Uly Otan soǵysynyń ardagerine qurmet kórsetildi
ishki ister organdarynyń zeınetkeri, otstavkadaǵy polıtsııa podpolkovnıgi Ivan Karavaevtyń úıine arnaıy baryp, 7 mamyr - Otan qorǵaýshylar kúni jáne 9 mamyr - Uly Jeńis kúni meıramdarymen quttyqtady. Bul týraly atalǵan vedomstvonyń baspasóz qyzmetinen habarlady
Á.Orazǵalıev I. Karavaevqa myqty densaýlyq, uzaq ómir tilep, oǵan gúl shoqtary men syılyqtar tabys etti. «Sizderdiń Otan aldynda jasaǵan eren erlikterińizdi biz eshqashan umytpaımyz. Jankeshti batyrlyqtaryńyz ben qaısarlyqqa toly minezderińiz qashan da jas urpaqqa úlgi-ónege. Endi Uly Jeńistiń 70 jyldyǵyn birge qarsy alatyn bolaıyq», - dedi polıtsııa polkovnıgi.
Búginde seksenniń seńgirine shyqqan ardager soǵysqa shaqyrylǵanda nebári 17 jasta edi. 1943 jyldyń qyrkúıeginde Termez qalasyndaǵy áskerı-ofıtserler ýchılışesine shaqyrylyp, keıin batareıa komandıri bolyp Ýkraına maıdanyna jiberilgen. Dneprden Pragaǵa deıin Dneprodzerjınsk, Odessa, Kıshınev, Býharest, Býdapesht, Vena, Praga syndy qalalardaǵy surapyl shaıqastarǵa qatysady. Uly Jeńiske qol jetkizgen 1945 jyly I.Karavaev Qıyr Shyǵysqa Japonııaǵa Manchjýrııany azat etýge jiberilgen. Budan soń Germanııanyń Podstam qalasynda Keńes áskerleri qatarynda bolady. Uly Otan soǵysy jyldary kórsetken erligi úshin ol «Uly Otan soǵysynda Germanııany jeńgeni úshin» medalimen, «Qyzyl jaýynger belgisi» ordenimen, Otan soǵysynyń І, ІІ dárejeli ordenderimen jáne basqa da merekelik medaldarmen marapattalǵan.
Otanǵa oralǵannan keıin kóp jyldar boıy Áskerılendirilgen temirjol kúzetiniń bastyǵy bolyp qyzmet atqardy.
Elimizdiń kólik saqshylary UOS qatysýshy ardagerlerdi jyl saıyn tól merekelerimen quttyqtap, syılyqtar tartý etýdi dástúrge aınaldyrǵan. Búgingi kúni Kóliktegi ІІD men onyń bólinisteriniń janynda Ardagerler keńesi turaqty túrde jumys isteýde. Olar UOS ardagerleri men ishki ister organynyń zeınetkerlerine árdaıym kóńil bólip otyrady. Departamenttiń kadr jumysy basqarmasy qyzmetkerleri qazirdiń ózinde-aq ishki ister organdarynyń barlyq ardagerleri men UOS múgedekterine materıaldyq kómek kórsetilgendigin aıtty.
