Uly Otan soǵysynda qaza tapqan jaýyngerlerdiń jesirleri birjolǵy materıaldyq kómekke ilikti
Bul týraly QR Densaýlyq saqtaý jáne áleýmettik damý vıtse-mınıstri Svetlana Jaqypova málim etti.
«Ardagerlerge birjoldyq materıaldyq kómek kórsetý maqsatynda respýblıkalyq bıýdjetten 5 mlrd. 800 mln. teńgege jýyq qarajat qarastyryldy. Osy mamyr-maýsym aılarynda birjoldyq ótemaqylar tólenedi. Uly Otan soǵysynyń qatysýshylary men múgedekterine 100 myń teńge, olarǵa teńestirilgen azamattarǵa 70 myń teńge, Uly Otan soǵysynda qaza tapqan jaýyngerlerdiń ekinshi ret nekege otyrmaǵan jesirlerine 30 myń teńge, al beıbitshilik ýaqytynda qaıtys bolǵan ardagerlerdiń áıelderine, olardyń sany 10 myńnan asady, 25 myń teńgeden tólenedi. Tylda eńbek jasap, jeńiske úles qosqan azamattarǵa 25 myń teńgeden beriledi. 6 mamyrdan bastap, astanamyzǵa 270 ardagerimiz keledi. Olarmen birge 80 adam birge qosylyp keledi», - dep atap ótti vıtse-mınıstr ortalyq kommýnıkatsııalar qyzmetinde ótken brıfıngte. Onyń ústine, S. Jaqypovanyń sózine qaraǵanda, jergilikti ákimdikter de ardagerlerge 100 myńnan 1 mln. 100 myń teńgege deıin birjolǵy aqshalaı qarajat berýdi josparlaýda.
