Uly Otan soǵysynda qaza tapqan qazaqstandyqtardyń rýhyna taǵzym etýge arnalǵan 32 kúndik avtosherý aıaqtaldy
Bul týraly búgin Almatyda uıymdastyrýshylar aıtty, dep habarlaıdy QazAqparat.
Joba jetekshisi Mıhaıl Tıýnınniń aıtýynsha, 32 kúnge sozylǵan avtosherýge qatysýshylar Almaty-Balqash-Qostanaı-Chelıabi- Ýfa-Samara-Volokolamsk-Velıkıe Lýkı-Novosokolnıkı-Nevel-Mınsk baǵytymen 12220 shaqyrym júrip ótken. «Sharanyń negizgi maqsaty - Uly Otan soǵysynda qaza bolǵandar zıratyna gúl qoıý, Reseı men Belarýstyń áskerı-patrıottyq klýbtarymen kezdesý, qazaqstandyqtar týraly kórme uıymdastyrý, sondaı-aq Uly Otan soǵysy týraly derekter jınaý. Sherýdi uıymdastyrý maqsatymyz oryndaldy. Barlyq baǵytty esh kedergisiz júrip óttik. Ardagerlermen kezdesip, Mánshúk Mámetovanyń, Álııa Moldaǵulovanyń, Leonıd Bedanyń basyna taǵzym ettik. Sherý barysynda barlyǵy 13 shara ótkizildi, deıdi M.Tıýnın.
Sharanyń júzege asýyna QR Mádenıet mınıstrligi, Qazaqstannyń Reseıdegi, Belarýstaǵy Elshiligi, Kcell kompanııasy qoldaý bildirgen. Sherýdi uıymdastyrýshylardyń aıtýynsh, Uly Otan soǵysyna qatysýshy otandastarymyzdy dáripteý sharalary jalǵasady. «Qazan aıynda birneshe shara ótkizemiz», deıdi M.Tıýnın.
