Uly Otan soǵysynan syr shertetin «Máńgilikke ketkender» atty kitap jaryq kórdi
/strong>Aqpannyń 15-i. QazAqparat /Ádilet Musahaev/ - Búgin Uly Otan soǵysynyń ardageri Leonıd Skolkovskııdiń «Máńgilikke ketkender» kitabynyń tusaýkeser rásimi ótti,
dep habarlaıdy QazAqparat.
Kitap Aýǵanstannan Keńes áskeriniń shyqqan kúnine oraı, Qazaqstan Respýblıkasy Tuńǵysh prezıdenti Qorynyń qoldaýymen jaryqqa shyqqan.
Atalmysh qordyń dırektory Bektas Muhamedjanovtyń aıtýynsha - «Máńgilikke ketkender» kitabyn shyǵarý Uly Otan soǵysynda eldi, jerdi qorǵaǵan ardagerlerge degen qurmettiń taǵy bir belgisi. «Bul óte sırek kezdesetin kitap, onda tek soǵys jaıynda ǵana emes, bolashaq jaıynda da jazylǵan», deıdi B.Muhamedjanov.
Kitap 500 dana taralymmen «Jibek joly» baspasynda basylyp, respýblıkanyń kitaphanalarynda, jalpy bilim berý mektepterine, ólketaný murajaıyna, ardagerler uıymyna, qoǵamdyq uıymdarǵa syı retinde tartý etilmek.
«Men soǵys aldynda «Kim tiri qalsa, biz jaıynda aıtyńdar...» degen sózdi kóp estidim. Men tiri oraldym, endi soǵysta birge bolǵan dostarym jaıynda aıtýǵa tıispin. Bul meniń jaýyngerlik boryshym. Qazirgi tańda Qazaqstandy úlken mindetter kútip tur, sondyqtanda biz birigýimiz kerek. Uly Otan soǵysy kezinde halyq aýyz birshilikti saqtaı otyryp jeńiske qol jetkizgen bolatyn», deıdi kitap avtory.
Shara barysynda sonymen qatar «Aýǵan soǵysynyń ardagerleri men «Kazahstanskaıa pravda» atyndaǵy Maıdan klýbynyń» ashylýy boldy.
