Uly Otan soǵysy jyldaryndaǵy KSRO-nyń jalpy shyǵyny
Uly Otan soǵysy jyldary KSRO-nyń jalpy adam shyǵyny 26 mıllıon 600 myń adamdy qurady. Onyń ishinde:
basyp alynǵan aýmaqtarda 7 420 379 beıbit halyqtyń kózi joıyldy, onyń 216 431-i balalar boldy;
5 268 513 adam Germanııaǵa kúshpen alyp ketildi, soǵystan keıin 2 654 513 adam elge oraldy, 451 100 adam emıgrant atandy, qalǵan 2 164 313 adam qaza boldy nemese tutqynda kóz jumdy;
Qarýly kúshterdiń shyǵyny (óltirilgender, jaraqattan jáne aýrýdan qaıtys bolǵandar, qaıǵyly oqıǵalardyń saldaryna opat bolǵandar, áskerı trıbýnaldyń ókimimen atylǵandar, tutqynnan qaıtpaı qalǵandar) - 8 668 400 adam, bul tizimge mobılızatsııa boıynsha áskerge shaqyrylǵan, biraq maıdanǵa jetpegen jáne áskerı bólimderine barǵanǵa deıin iz-túzsiz joǵalǵan
áskerı mindettiler emes kirmeıdi, bul taǵy 500 000 adam.;
Sanıtarlyq shyǵyndar (jaralanǵandar, kontýzııa alǵandar, aýyrǵandar, úsik shalǵandar jáne kúıik jaraqatyn alǵandar) - 18 344 147 adam;
Taǵy 5 mıllıon 59 myń keńes jaýyngeri iz-túzsiz joǵalǵan jáne tutqynǵa túsip qalǵan (olardyń 500 myńy - óz áskerı bólimderine bara jatqan jolda jaýdyń qolyna túsip qalǵan áskerı mindettiler). 450-500 myńdaı adam - maıdan dalasynda qaza bolyp, iz-túzsiz qalýy múmkin.
Al aıyp rotalary me batalondarynyń jalpy shyǵyny - 170 298 adam (soǵys jyldary aıyp batalondary men rotalaryna 427 910 adam jiberilgen).
Soǵys jyldary 1 mıllıon 200 myńdaı qazaqstandyq maıdanǵa attandy. Olardyń 410 myńy qaza tapty, 125 myńy - iz-túzsiz joǵalyp ketti. Eńbek maıdanyna Qazaqstan aýmaǵynda arnaıy qonys aýdarýshylar men jergilikti halyqtyń qatarynan 700 myń adam shaqyrylǵan.
