Uly Otan soǵysy ardagerleriniń ózderi shaıqasqan aımaqtarǵa baryp qatýy úshin 383 mıllıon teńge bólinedi - G.Ábdihalyqova
ASTANA. Qańtardyń 29-y. QazAqparat /Aıdar Ospanalıev/ - Prezıdent Joldaýynda Uly Jeńistiń 65 jyldyǵyna baılanysty elimizdiń aldyna birqatar sharalardy júzege asyrýdy mindettip otyr.
Osyǵan baılanysty eldegi árbir soǵys ardagerine 65 myń teńgeden respýblıkalyq bıýdjetten qarjy bólinetinin bolady. Sondaı-aq soǵys ardagerlerine teńestirilgender men ardagerlerge, soǵysta qaıtys bolǵandardyń jesirlerine, tyl eńbekkerlernei materıaldyq kómek kórsetiletin bolady. Bul týraly búgin Parlament palatalarynyń birlesken otyrysynan soń Memleket basshysynyń Joldaýyna qatysty buqaralyq aqparat quraldarynyń ókilderine bergen suhbatynda Eńbek jáne halyqty áleýmettik qorǵaý mınıstri Gúlshara Ábdihalyqova málim etti, dep habarlaıdy QazAqparat.
Onyń sózine qaraǵanda, Jeńistiń 65 jyldyǵyna baılanysty ardagerlerdiń Reseı, Ýkraına, Belarýs sııaqty ózderi maıdanda bolǵan jerlerge baryp qaıtýy, nemese el aýmaǵyndaǵy jerlerge baryp qaıtýy úshin 383 mıllıon teńge bólingeli otyr. «Sonymen qatar, Joldaý boıynsha bıýdjettik mekemelerdiń aılyq tabystary sáýir aıynyń 1-inen bastap taǵy 25 paıyzǵa artady» dedi mınıstr.
