Uly Otan soǵysy ardagerleriniń qurmetine elimizdiń birneshe iri qalalarynda klassıkalyq mýzykadan qaıyrymdylyq kontsertter ótedi
ALMATY. 5 mamyr. QazAqparat /Názıra Eleýhan/ - 6 mamyrdan bastap, «Degdar» gýmanıtarlyq qory, «JTI» kompanııasynyń qoldaýymen elimizdiń bes qalasynda -
Astana, Almaty, Taldyqorǵan, Shymkent jáne Qaraǵandy qalalarynda Uly Otan soǵysy ardagerleriniń qurmetine klassıkalyq mýzykadan qaıyrymdylyq kontsertter ótkizedi. Bul týraly búgin Almatyda ótken arnaıy baspasóz máslıhatynda atalmysh sharanyń uıymdastyrýshylary málim etti.
«Shara Uly Jeńis merekesine arnalǵan. Aktsııa «Urpaqtar sabaqtastyǵy" dep atalady. Onyń ataýy sharanyń ıdeıasyn bildiredi dep aıtsam bolady. ıAǵnı, maqsatymyz - áskerı jyldardyń qıyndyqtaryn bastan ótkergen ardagerler men jas býyn arasynda rýhanı baılanys ornatý bolyp tabylady. Mádenı sharalardy uıymdastyrýmen qatar, qaıyrymdylyq aktsııa ardagerlerge materıaldyq jaǵynan da qoldaý kórsetýdi maqsat etip otyr. Kontsertter ótkiziletin ár qalada barlyq ardagerlerge arnaıy daıyndalǵan syılyqtar tabystalatyn bolady, al kontsertke shaqyrtýlar aldyn-ala jiberiledi. Ardagerler mýzykanyń ǵajaıyp áýenderin eldiń eń úzdik degen kontsert zaldarynda tyńdaıtyn bolady», - dedi «Degdar» gýmanıtarlyq qorynyń atqarýshy dırektory Laýra Ahmetova. Onyń aıtýynsha, aktsııa barlyq ardagerlerge erligi men qaharmandyǵy úshin alǵys bildirýge, jasy kelgen adamdardy áleýmettik jáne mádenı sharalarǵa qatystyrýǵa jáne barsha óner súıer qaýymdy joǵary óner túrine qoljetimdi etýge múmkindik bermek.
«Biz osy syndy qaıyrymdylyq sharalardy jyl boıy atqaramyz. Máselen, ótken jyly qaıyrymdylyq sharalarǵa shamamen 20 myń AQSh dollaryn bóldik. Uly Otan soǵysy ardagerlerin qoldaýǵa arnalǵan jobalar bizdiń kompanııa úshin úlken mańyzǵa ıe. Jyldan jylǵa olardyń sany azaıýda, sondyqtan ardagerlerge erekshe kóńil bólemiz. Tipti, ol bizdiń, barshamyzdyń paryzymyz dep aıtsam bolady. Jarqyn ómir syılaǵan olar qandaı da bolsyn qurmetke laıyq», - dep atap ótti aktsııanyń bas demeýshisi, «JTI Qazaqstan» kompanııasynyń Bas dırektory Tassos Sıtsas. Onyń aıtýynsha, kompanııa jasy ulǵaıǵan qart adamdarǵa, múgedek jandarǵa da erekshe kóńil aýdarady. «Bıyl 6 jalǵyz basty qarttardyń úılerin kúrdeli jóndeýden ótkizdik, jyl sońyna deıin 18 páterdi jóndemekpiz. Materıaldyq kómekti jyl boıy kórsetip kelemiz. Jyl saıyn ardagerlerge saltanatty dastarhan jaıyp, qurmet kórsetemiz. Bıyl da bul shara ótkiziletin bolady», - dedi ol.
Kontsertte Qazaqstan klassıkalyq sahnasynyń juldyzdary - Qazaqstan halyq ártisi Gaýhar Myrzabekova (skrıpka) jáne QR eńbek sińirgen qaıratkeri Tımýr Ormanshıev (fortepıano), "Qazaqstan kameratasy" orkestri óner kórsetetin bolady. Kontsert baǵdarlamasy qyzyqty da, ártúrli bolmaq. Óner sheberleriniń oryndaýynda klassıkalyq áýendermen qatar, ıspan, rýmyn, qazaq áýenderi jáne álemge tanymal mýzykalar oryndalmaq.
Aktsııa barysynda Gaýhar Myrzabekova jáne Tımýr Ormanshıev bes qaladaǵy mýzykalyq oqý oryndarynyń oqýshylary úshin sheberlik synyptar men shyǵarmashylyq kezdesýler uıymdastyratyn bolady. Osylaısha, mýzykalyq elıtanyń jarqyn ókilderi jastarmen shyǵarmashylyq tájirıbemen, bilimimen, dúnıetanymymen bólispek. Bul kezdesýlerge eldiń shyǵarmashylyq joǵary oqýy oryndarynyń stýdentteri, jalpy barsha mýzyka súıer qaýym qatysa alady.
Uıymdastyrýshylardyń aıtýynsha, ardagerlerdi úıinen kontsert zalyna deıin jetkizýge arnaıy kólikter qarastyrylǵan.
Alǵashqy kontsert erteń, 6 mamyr kúni Taldyqorǵan qalasynda ótedi, 17 mamyr kúni - Shymkentte, 21 mamyr kúni - Almatyda, 3 mamyr kúni - Qaraǵandy qalasynda ótkiziledi. Qorytyndy kontsert Astana qalasynyń Prezıdenttik mádenı ortalyǵynda 24 mamyrda ótpek.
