Uly Otan soǵysy ardagerleriniń aldynda basymyzdy ıemiz - A.Karımýllın

ALMATY. Sáýirdiń 7-si. QazAqparat / Ádilet Musahaev / - Bizge osy baıandy baqytty syılaǵan ardagerlerimizdiń erligi eshqashan umytylmaıdy.

Olar týǵan jerdi súıýdiń, eldiń patrıoty bolýdyń keremet úlgisin kórsetti. Bul jaıynda «Nur Otan» HDP Almaty qalalyq fılıaly tóraǵasynyń orynbasary Amangeldi Karımýllın Uly Jeńistiń 65 jyldyǵyna arnalǵankonferentsııa barysynda aıtty, dep habarlaıdy QazAqparat.

A.Karımýllın atalmysh sharaǵa qatysýshy Uly Otan soǵysynyń ardagerlerin kele jatqan meıramdarymen quttyqtap, alǵysyn bildirdi.

«Kámelettik jasqa jańa tolǵan azamattarymyzdan bastap búkil halyq qoldaryna qarý alyp, laýlaǵan ot pen ólim sepken maıdan dalasyna attanyp, álemdi fashızm quldyǵynan qutqaryp qaldy. Osyndaı ulaǵatty ónege kórsetken ardagerlerge qyzmet etý - barshamyzǵa máńgi borysh», deıdi Amangeldi Karımýllın.

Sonymen birge ol búgingi sharanyń Qazaqstan qoǵamy úshin qundy ekenin, Azamattyq ustanymy myǵym asyl ardagerlerimizdiń osy konferentsııaǵa qatysýy jastar úshin úlken abyroı, zor qýanysh ekendigin jetkizdi.

Sondaı-aq ol qazirgi ýaqytta Almaty qalasynda 1578 Uly Otan soǵysynyń, 19 700 eńbek maıdany ardagerleri turyp jatqandyǵyn aıtyp ótti.