Uly oqıǵalarǵa arnalǵan merekeler bizdiń ómirimizde kóp emes - «Qaırat» fýtbol klýby Baqylaýshylar keńesiniń tóraǵasy
ALMATY. 9 mamyr. QazAqparat - Biz bolashaq urpaqtyń azattyǵy úshin otandastarymyzdyń atamekenimizdi qaharmandyqpen qorǵaǵan ýaqytynan jyl saıyn alystaı túsýdemiz.
«Qaırat» fýtbol klýbynyń Baqylaýshylar keńesiniń tóraǵasy Qaırat Boranbaev Jeńis kúnine oraı barlyq jankúıerlerge joldaǵan óz quttyqtaýynda osylaı deıdi.
«1941 - 1945 jyldar kóp elderdiń tarıhynda taıǵa tańba basqandaı iz qaldyrdy. Ata-babalarymyzdyń erlik isteri bizdiń júregimizde máńgilikke saqtalady. Shaıqasta óz ómirin qıǵan, jeńispen elge oralyp, soǵystan keıingi jyldary memleketimizdiń ekonomıkalyq jáne áskerı kúsh-qýatyn arttyrǵan otandastarymyzǵa bas ıip, qadir-qurmet bildiremiz», degen bul hat klýbtyń ınternettegi saıtynda da jarııalanyp otyr. Onda Q.Boranbav: «Qurmetti Uly Otan soǵysynyń ardagerleri, sizder Otanymyzdy qorǵaı otyryp, óz elimizde ónip-ósip, ónege alý quqyǵyn syıladyńyzdar. Tyl ardagerleri men eńbekshileri, sizderdiń óshpesteı batyldyqtaryńyzǵa myń da bir ret taǵzym etemiz. Otanymyzdyń bostandyǵy jolynda qaza bolǵandar máńgilik este qalady» - dep jazylǵan.
