Uly Qytaı qorǵanynyń buryn belgisiz bolyp kelgen bóligi tabyldy
ASTANA. 28 aqpan. QazAqparat - Brıtandyq zertteýshi Ýılıam Lındseı Uly Qytaı qorǵanynyń qazirgi kartalarda belgilenbegen 100 shaqyrymdyq bóligin Mońǵolııa aýmaǵynan tapty, dep habarlady ITAR-TASS «Deılı telegraf» gazetine silteme jasap.
Qorǵandy zertteýdegi eńbekteri úshin 2006 jyly Brıtan Imperııasy ordenimen marapattalǵan jıhangezdiń aıtýynsha, ol HІІ ǵasyrdaǵy atlastyń kóshirmesin kórgennen keıin ótken kúzde Gobı shóline ekspedıtsııaǵa jınalǵan. Onda mońǵol qolbasshysy Shyńǵyshan joryqtary belgilengen jáne Qorǵannyń osy bóligi anyq kórinedi. «Kúrdeli joryqqa osy atlas kóshirmesi sebep boldy», dedi saıahatshy. Ejelgi qurylystyń bolǵanyn mońǵoldyq zertteýshilerdiń biri qýattady.
Lındseı onyń tapqan Qorǵan bóligi Han áýleti bılep turǵan kezde bizdiń jyl sanaýymyzǵa deıingi 120-jyldyń shamasynda salynǵan, odan keıingi ǵasyrlarda qalpyna keltirilip, qaıta jańǵyrtylyp otyrǵan, dep sanaıdy.
Bul sensatsııalyq ashylymnyń málimetteri tanymal "Neshnl djeogrefık" jýrnalynyń taıaý aradaǵy basylymynda jarııalanbaq.
.
