Uly Qytaı qorǵanynyń bir bóligi Monǵolııadan tabyldy
ASTANA. 29 naýryz. QazAqparat - Ýılıam Lındsı jetekshiligindegi Brıtan arheologtary sensatsııalyq jańalyq ashty, dep habarlaıdy Lenta.rý.
Olar Uly Qytaı qorǵanynyń bir bóligin Monǵolııa jerinen tapqan. Qurylys qaldyǵynyń uzyndyǵy shamamen 100 shaqyrym, keıbir jerlerindegi bıiktigi 2,5 metr bolady. Ol Monǵolııanyń ońtústigindegi Gobı shólinen tabylǵan. Ǵalymdar bul qamaldyń qytaılyq alyp qurylystyń bir bóligi ekenine esh kúmándanbaıdy.
Qabyrǵa balshyqtan, butalardan jáne janartaý tastarynan qalanǵan. Salynǵan ýaqyty shamamen bizdiń zamanymyzǵa deıingi 1160 pen 1040 jyldar aralyǵy.
2007 jyly Lındsı bastaǵan top Qytaı men Monǵolııanyń shekarasynan Han áýleti bılik júrgizgen kezdegi qorǵannyń bóligin tapqan bolatyn. Sodan beri arheologtar qorǵannyń qalǵan bóligin úzdiksiz izdep, aqyry ony Monǵolııa jerinen taýyp otyr.
Uly Qytaı qorǵany - arhıtektýranyń eń alyp úlgileriniń biri. Ol soltústik Qytaıdy jaıpaı ótip, barlyq salalarynyń uzyndyǵyn qosqanda 8851,8 shaqyrymǵa sozylyp jatyr. Bul tarıhı jádiger ıÝNESKO-nyń Dúnıejúzilik mádenı murasy tizimine engizilgen. Tarıhtan belgilisi, qytaılar ony uly Ǵun taıpasynan qorǵaný úshin salǵan.
