Uly Qytaı qorǵany naızaǵaıdan jasandy qaraǵaılarmen qorǵalmaq
ASTANA. QazAqparat - Beıjiń bıligi Uly Qytaı qorǵanynyń týrıster úshin tanymal Badalın aýmaǵyndaǵy bóligine naızaǵaıdan qorǵaý úshin jyldyń sońyna deıin 12 qaraǵaı túrindegi jaı tartqysh ornatpaq. Bul týraly jergilikti BAQ habarlady.
Badalın aýdanyndaǵy Uly Qytaı qorǵanynyń aýmaǵynyń uzyndyǵy 7,4 shaqyrymnan asady, onyń jartysy ǵana qalpyna keltirilip, týrıstik ekskýrsııalarǵa paıdalanylady. Sońǵy jyldary qorǵanda ıgerilmegen baǵyttar boıynsha serýender de uıymdastyrylýda. Týrısterdi qorǵannyń bastapqy qalpyndaǵy bólikteri qatty qyzyqtyrady. Alaıda mundaı ekskýrsııalar týrısterge jaı túsý faktileriniń kóbeıýine ákeldi. Sondyqtan qala basshylyǵy bul aýmaqta jaı tartqyshty qarastyrý týraly sheshimge keldi. Bul qurylym qorǵannan 2 metrdeı alshaq jerge ornatylatyn boldy. Qurylymǵa estetıkalyq sıpat berý úshin ony qaraǵaı túrinde jasaý usynyldy.
Mundaı ár «aǵashtyń» uzyndyǵy 15 metrden 18 metrge deıin jetedi, al quny 200 myń ıýannan ($32 myńnan astam) artyq.
