Uly qazaq batyrlaryna arnalǵan sharalaryńyzdy shyn júrekten qoldaımyn - Talǵat Musabaev
MATY. 10 jeltoqsan. QazAqparat /Erlik Erjanuly/ - Búgin Almatyda "Qazaqtyń Uly qolbasshylary" dep atalatyn respýblıkalyq ǵylymı-tájirıbelik konferentsııa ótti.
Ony QR Joǵary oqý oryndary qaýymdastyǵy, QR Ulttyq kitaphanasy, Almaty qalalyq ardagerler keńesi jáne "Generaldar odaǵy" respýblıkalyq qoǵamdyq birlestigi birlesip uıymdastyrdy. Oǵan shetelde issaparda júrip qatysa almaǵan QR Halyq qaharmany, Reseı Batyry, ushqysh-ǵaryshker, avıatsııa genaral-leıtenanty, tehnıka ǵylymynyń doktory Talǵat Musabaev óziniń júrekjardy tilegen hatpen joldaǵan.
"QR Ulttyq ǵarysh agenttigi jáne jeke óz atymnan sizderdiń Uly qazaq batyrlaryna arnalǵan sharalaryńyzdy, jasaǵan bastamalaryńyzdy shyn júrekten qoldaımyn. Qasıetti qazaq jeriniń batyrlary ár kezde el basyna túsken aýyrtpalyqty kóterip, jandaryn qıdy. Bul ǵylymı -tájirıbelik konferentsııanyń ótkizilýi barsha qazaqstandyqtar úshin mańyzy zor shara bolyp tabylady", - degen Talǵat Amankeldiuly quttyqtaýynda.
QR Ulttyq ǵarysh agenttigi tóraǵasynyń pikirinshe, bul shara ósip kele jatqan jastarymyzdy otansúıgishtik pen adamdarǵa qurmet bildirý rýhynda tárbıeleýge zor yqpal etedi.
