Uly dalanyń «altyn» daýystary Vengrııany baǵyndyrdy
ASTANA. QazAqparat - 26-27 qarasha aralyǵynda Vengrııanyń Dor jáne Solnok qalalarynda Qurmanǵazy atyndaǵy Qazaq ulttyq konservatorııasy aralas horynyń kontserti ótti, dep habarlady Qazaqstan Respýblıkasynyń Vengrııadaǵy Elshiliginiń baspasóz qyzmetinen.
1944 jyly qurylǵan hor mýzyka súıer qaýymnyń nazaryna qazaq, orys, sondaı-aq vengrııalyq jáne ıtalııalyq kompozıtorlardyń shyǵarmalaryn usyndy. Vengrııa jurtshylyǵy ásirese qazaqtyń ataqty shyǵarmalary Aqan seriniń «Qaratorǵaıy» men halyq áni «Maıranyń» oryndalýynan erekshe lázzat aldy», - delingen habarlamada.
Qazaqstan Elshisi Nurbaq Rústemov Elbasynyń zamanaýı Qazaqstannyń qalyptasýyndaǵy baǵa jetpes róli jaıynda aıta kele, elimizdiń Táýelsizdik jyldaryndaǵy basty jetistikterin atap ótti.
Óz kezeginde ıAs-Nadkýn-Solnok oblysy oblystyq keńesiniń tóraǵasy Shandor Kovach XIII ǵasyrda qypshaqtardyń ekinshi úıi atanǵan Vengrııanyń shyǵys bóligi úshin qazaqstandyq oryndaýshylardyń altyn daýystary kontsert atmosferasyn Uly dalanyń týǵan ólkelerine jetelegenin jetkizdi.
Mýzykalyq ujymnyń kontserti vengrııalyq jurtshylyqqa kóterińki kóńil-kúı syılap qana qoımaı, qazaqstandyq mýzykanttardyń jańa býynynyń joǵary kásibı sheberligin de kórsetti.
QR Tuńǵysh Prezıdenti kúnine oraılastyrylǵan kontsert Qazaqstan Respýblıkasynyń Vengrııadaǵy Elshiliginiń qoldaýymen ótti.
