«Uly dala joryǵy» marafonynyń jeńimpazy saılaýǵa óziniń tulparymen bardy
AQTAÝ. QazAqparat - «Uly dala joryǵy» marafonynda jeńiske jetken «Kók moınaq» komandasynyń múshesi Nursaǵyn Tuqymbaı saılaý ýchaskesine óziniń tulparymen bardy, dep habarlaıdy QazAqparat tilshisi.
«Búgin – 20 qarasha, saılaý kúni. Daýys berýge ózimniń tulparymmen attanyp bara jatqan jaıym bar. Bolashaq prezıdentimizge senim mol. Qazaqstan gúldene bersin, kórkeıe bersin. Al men tańdaýymdy jasaýǵa bara jatyrmyn», - dedi «Kók moınaq» komandasynyń múshesi Nursaǵyn Tuqymbaı.
Nursaǵyn Tuqymbaı Mańǵystaý aýdanynyń Shetpe aýylyndaǵy №169 ýchaskede daýys berdi.
