Uly dala ulandary: Shymkentte dombyrashylar fleshmoby ótti

ShYMKENT. QazAqparat - Shymkentte «Uly dala ulandary» atty dombyrashylar fleshmoby ótti. Fızıka-matematıka baǵytyndaǵy Nazarbaev zııatkerlik mektebiniń muǵalimderi men oqýshylary adam kóp shoǵyrlanǵan «Shymkent Plaza» saýda ortalyǵynda qazaqtyń birneshe kúıin oryndady, dep habarlaıdy QazAqparat tilshisi.

50-ge jýyq  dombyrashy  kúmbirlete kúı tartqanda  olarǵa tamsana da tańyrqaı qaraǵandar kóp boldy.    Qurmanǵazynyń «Saryarqasy» men «Balbyraýyn», Súgirdiń «Bozingenin» bir demmen, erekshe leppen tartyp, jınalǵandarǵa erekshe kóńil-kúı syılady. 

Jalpy, jyl saıyn dombyrashylar fleshmobyn ótkizý zııatkerik mektebiniń oqýshylary úshin dástúrge aınalǵan. Óıtkeni bilim oshaǵynda «100 kúıdiń tarıhy» atty joba birneshe jyldan beri júzege asyrylyp keledi. Osy joba aıasynda ótkendi umytpaı, búgingini ulyqtaýǵa arnalǵan túrli sharalar uıymdastyrylyp otyrady. Aıta óteıik, atalǵan fleshmob bir mezette Qazaqstannyń barlyq oblysyndaǵy Nazarbaev zııatkerlik mektepterinde uıymdastyryldy.