Uly dala týraly maqala jahandyq jańashyldyqqa jeteleıtin jol - Sultan Sraılov
«Qazaq dalasynyń tarıhy tym tereńde jatyr. San ǵasyrlar osy dalaǵa ıelik etken ata-babalarymyz, úlken órkenıettiń, mádenı zor jetistikterdiń, ǵylym men biliminiń, at úıretý, qazba-baılyqtardy ıgerý, ańshylyq, saýda-sattyq sııaqty úlken isterdi atqarǵandyqtaryna tarıh kýá. Ásirese, Uly dalanyń túrki áleminiń altyn besigi bolǵandyǵy biz úshin, keler urpaq úshin zor maqtanysh. Al Otyrar men Túrkistannan shyqqan oıshyldarymyz Ábý Nasyr ál-Farabı men Qoja Ahmet ıAssaýıdiń túrki dúnıesiniń rýhanı kóshbasshylary bolǵandyǵy bizdiń bilimmen erte bastan aınalysqandyǵymyzdyń kórinisi», -deıdi dırektory Sultan Sraılov.
Sondaı-aq, onyń aıtýynsha Elbasymyzdyń mýzeı, kıno, óner salasyna kórsetip otyrǵan qoldaýy, árbir sanaly azamattyń júregine patrıottyq sezim uıalatady.
«Ózim basqaryp otyrǵan «Naz» memlekettik bı teatry árqashanda Elbasynyń baǵdarlamalaryna súıene otyryp, repertýarlarymyzdy keńeıtip otyramyz. Teatrdyń baǵyty ulttyq bıdi nasıhattaý bolǵandyqtan, folklor, tarıh jaǵyna myqty basymdylyq beremiz. Kórermenderimizdi otansúıgishtikke, patrıottyqqa shaqyrý maqsatynda kóptegen is-sharalardy uıymdastyramyz. Sondyqtan, el múddesine arnalǵan iri jobalardyń júzege asýyna Memleket basshysynyń bul baǵdarlamasy aınymas temirqazyq dese de bolady», - dep atap ótti teatrdyń basshysy.