«Uly Dala teatry» Brıýssel jurtshylyǵyn tánti etti
Vedomstvo málimetinshe, qazaqstandyq shyǵarmashylyq ujym qazaq jáne álem jaýharlary bolyp sanalatyn úzdik mýzykalyq shyǵarmalardy qoıdy. Atap aıtqanda, «Astana sazy» etno-folklorlyq ansambliniń súıemeldenýmen «Astana Musical» teatry «Qyz Jibek» qoıylymyn, Nemis teatry «Qaragóz» týyndysy sahnalady.
«Bizdiń Eýropanyń bes iri astanalarynda týr jasaýymyz «Uly dala teatry» ımıdjdik jobalarynyń biri bolyp tabylady. Bizdi jyly qabyldap, ónerimizge joǵary baǵa bergen Eýropa kórermeni erekshe qýantady» , - dedi Nemis teatrynyń jetekshisi Natalıa Dýbs. Sulý Qaragózdiń Syrym aqynǵa mahabbaty týraly ańyz Natalıa Dýbs sııaqty talantty rejısserdiń qoılymy arqyly jańa tartymdy sıpatqa ıe boldy. Ol birinshi ret BUU-nyń alty tilderiniń biri nemis tilinde birinshi ret qoıyldy. Synshylardyń pikirinshe, «Qaragózdiń» jańa qoıylymy klassıka janryn súıetin kórermen men jalpy ónerdi baǵalaıtyn jurtshylyqqa erekshe áser etti.
Al jas qazaq teatry Brıýssel turǵyndaryna etno-folklorlyq mıýzıkl «Qyz Jibek» qoıylymyn syılady. «Qyz Jibek» - qazaq folklorynyń injý-marjany. Súıispenshiliktiń ánurany bolyp tabylatyn týyndy - halyqtyń poezııalyq murasynyń barlyq saltanatty ulylyǵyn sińirgen.
«Qazaqstan Respýblıkasynyń Mádenıet jáne sport mınıstrligi júzege asyryp otyrǵan «Jahandyq álemdegi zamanaýı qazaqstandyq mádenıet» jobasy qazaqstandyq shyǵarmashylyq jobalar men qazaqstandyq ujymdardyń jańa ıdeıalaryna tyń serpin beredi dep oılaımyn. Bul óz múmkindikterimizdi joǵary deńgeıge kóterý jáne álemge ulttyq mádenıettiń jetistikterin kórsetý úshin tamasha múmkindik», - deıdi «Astana Musical» teatrynyń kórkemdik jetekshisi Ashat Maemırov.
