«Uly Dala sazy» antologııasy tyńdarmandarǵa jol tartty
ASTANA. QazAqparat - Búgin Astanada «Uly Dala sazy» antologııasynyń tusaýkeseri ótti. Jınaqty Eýrazııalyq toptyń «Kómek» korporatıvtik qaıyrymdylyq qorynyń qarjylyq qoldaýymen «Jádiger» qoǵamdyq qory jasady.
«Mundaı jobalar bir kúnde jasalmaıdy. Biz materıaldardy tek Qazaqstannan ǵana emes, sonymen qatar arnaıy ekspedıtsııa shyǵaryp, 2,5 mıllıonǵa jýyq qazaq turatyn Qytaıdyń Altaı, Іle, Tarbaǵataı jáne Mońǵolııanyń Baıan-Ólgeı aımaǵynan jınadyq. Elbasynyń tapsyrmasyna oraı, halyq ánderin, jyrlar men termelerdi jınaqtap, taspaǵa túsirý jobasyn daıyndadyq. Bul jobada avtorlyq ánder emes, 500-ge jýyq tek halyq ánderi jınaqtaldy», - dedi joba jetekshisi, mádenıettanýshy Bazarbek Atyǵaev.
Bul jobanyń erekshelikterine toqtalǵan ol, jınaqta ótken ǵasyrda ómir súrgen Ǵarıfolla Qurmanǵalıev, Elýbaı Ómirzaqov, Dánesh Raqyshev sekildi qazaq án óneriniń kemeńger qaıratkerleriniń daýystary bar ekendigin atap ótti. Munymen qosa, qazirgi kezde tanymal ánshiler Bekbolat Tileýhan, Erlan Rysqalıev pen Ramazan Stamǵazıevtiń oryndaýyndaǵy ánder taspaǵa tústi.
«Uly Dala sazy» antologııasy 24 dıskige jazylǵan 500 halyq áninen turady.
«Jınaq 3 myń danamen jaryq kórdi. Onyń 1 myńyn mýzykalyq oqý oryndaryna, kitaphanalarǵa tegin taratyp jatyrmyz. Bul jobanyń maqsaty paıda tabýǵa negizdelmegen. Jınaqty ózindik qunymen ótkizý josparlanyp otyr», - dedi joba jetekshisi.
