«Uly Dala rýhy» festıvali: Astanada asyqtyń mergenderi anyqtaldy
ASTANA. QazAqparat - Astanada «Uly Dala rýhy» festıvali aıasynda asyq atý týrnıri boıynsha soltústik aımaqtyq irikteý jarysy ótti, dep habarlaıdy QazAqparat.
Ulttyq festıval aıasyndaǵy asyq atý týrnıriniń soltústik aımaqtyq irikteý oıyndaryna Soltústik Qazaqstan, Qostanaı, Aqmola oblystary men Astana qalasynan 4 komanda qatysty.
Jarysta óńirlerden kelgen asyq atýdyń mergenderi baqtaryn synady. Nátıjesinde Astana qalasy asyqshylarynyń asyǵy alshysynan túsip, birinshi oryndy aldy. Al ekinshi oryndy Aqmola alsa, úshinshi oryndy Qostanaı komandasy enshiledi.
Asyq atýdan soltústik aımaqtyq irikteýden 1-oryn alǵan Astana komandasy atalǵan festıvaldiń aqtyq jarystaryna joldama aldy.
Aıta keteıik, «Uly Dala rýhy» festıvali 4 shilde kúni bastalyp, 16 qyrkúıek kúni aıaqtalatyn jastar arasyndaǵy báseke. Oǵan respýblıka boıynsha 7073 sportshy qatysýda.
Ulttyq sporttyń kókpar, báıge, teńge ilý, aýdaryspaq, jamby atý, qazaq kúresi, toǵyzqumalaq, asyq atý túrinen ótetin jarystar komandalyq tártipte júrgiziledi. Úsh aıdan astam ýaqytqa sozylatyn bul festıval II kezeńge bólingen. I kezeń aımaqtyq irikteý jarystary. Alǵashqy kezeń básekesi tórt aımaqta ótedi.
