«Uly Dala Eline saıahat» ekspedıtsııasy endi soltústik óńirlerdi aralaıdy

ASTANA. QazAqparat - 20 tamyzda «Uly Dala Eline saıahat» jobasynyń tórtinshi baǵyty boıynsha ekspedıtsııa jolǵa shyǵady, dep habarlaıdy QazAqparat.  

Joldyń uzaqtyǵy - 4595 shaqyrym. Qatysýshylar 16 kún ishinde Aqmola, Pavlodar, Qaraǵandy jáne Soltústik Qazaqstan oblystarynyń mańyzdy jerlerin aralap shyǵady. Ekspedıtsııalyq top saıahatshylardan, televızııalyq jýrnalısterden, týroperator ókilderinen, sheteldik jáne qazaqstandyq trevel-blogerlerden turady.

Bul ekspedıtsııany «Kazakh Tourism» ulttyq kompanııasy Astana qalasynyń 20 jyldyǵyn toılaý sheńberinde mádenıet jáne týrızm ındýstrııasy komıtetiniń tapsyrysymen uıymdastyryp otyr. Joba «QazaqGeography» respýblıkalyq qoǵamdyq birlestigi jáne «Kazakh Tourism» arasyndaǵy ózara yntymaqtastyq týraly memorandým sheńberinde júzege asyrylýda.