«Uly Dala Eli» tarıhı-mádenı ekspedıtsııasy elimizdiń aýmaǵynda tórt baǵytta júredi
Bul týraly búgin Astanada osy sharaǵa oraı ótken baspasóz máslıhatynda QR Prezıdenti janyndaǵy «Qoǵamdyq kelisim» RMM dırektory, QHA Ǵylymı-saraptamalyq keńes tóraǵasynyń orynbasary Natalıa Kalashnıkova málim etti.
Onyń sózine qaraǵanda, ekspedıtsııanyń birinshi baǵyty Soltústik jáne Ortalyq óńirge júredi (Astana qalasy - Aqmola, Soltústik Qazaqstan, Qostanaı, Qaraǵandy oblystary, Jambyl oblysy - Merke qalasy - Taraz qalasy). Al ekinshisi - Batys jáne Ońtústik baǵyty (Aqtaý qalasy, Mańǵystaý, Atyraý, Batys Qazaqstan, Aqtóbe, Qyzylorda, Ońtústik Qazaqstan,Merke qalasy - Taraz qalasy).
Úshinshisi, Shyǵys jáne Ońtústik shyǵys baǵyty (Pavlodar qalasy - Pavlodar, Shyǵys Qazaqstan, Almaty oblystary, Merke qalasy -Taraz qalasy), sondaı-aq sońǵy baǵyty Almaty - Qaskeleń - Qordaı - Merke - Qulan - Taraz qalasy jerlerin basyp ótedi.
Ekspedıtsııanyń sońǵy núktesi Taraz qalasynda bolady, ıaǵnı onda «Tarıh tolqynyndaǵy Uly Dala» taqyrybynda Qazaqstan halqy Assambleıasynyń kórmesi uıymdastyrylady. Uıymdastyrýshylardyń aıtýynsha, ekspedıtsııanyń nátıjesinde qatysýshylardyń jazbalarynan turatyn úsh tomdyq kúndelik shyǵarylady.
Aıta keteıik, «Uly Dala Eli» respýblıkalyq tarıhı-mádenı ekspedıtsııasy Qazaq handyǵynyń 550 jyldyǵyna arnalǵan óte aýqymdy áleýmettik-tarıhı aktsııalardyń biri bolyp otyr.
Ekspedıtsııa 2015 jylǵy 11 qyrkúıekte úsh qalada - Astana, Aqtaý, Pavlodar qalalarynda bir mezgilde bastaý alyp, 2015 jylǵy 9 qazanda Taraz qalasynda qorytyndylanady.
Bul aýqymdy sharaǵa Qazaqstan halqy Assambleıasy, QR Parlamenti Májilisiniń depýtattary, QR Prezıdenti janyndaǵy «Qoǵamdyq kelisim» respýblıkalyq memlekettik mekemesi, vedomstvolardyń qyzmetkerleri, ǵylymı jáne shyǵarmashylyq zııaly qaýym, jastar uıymdarynyń, BAQ ókilderi qatysady.
Ekspedıtsııa barysynda óńir halqymen 100 naqty qadam Ult josparynyń «Birtektilik jáne birlik» baǵyty boıynsha «Máńgilik El muraty - el birligi» taqyrybyna kezdesýlerler; Qazaqstan memlekettiginiń negizderine jáne Qazaq handyǵynyń tarıhyna arnalǵan «Jer tarıhy - el tarıhy» taqyryby boıynsha suhbattar; «N.Nazarbaevtyń qoǵamdyq kelisim men ulttyq birliktiń qazaqstandyq úlgisi» boıynsha dáris-tanystyrylymdar; ekspedıtsııanyń júrý baǵytyndaǵy qalalarda, kentterde jáne aýyldarda ornalasqan kitaphanalar men murajaılarǵa kitaptar syıǵa tartý kózdelgen «Teńdessiz syı» aktsııalary ótkiziledi.
