«Uly Dala Eli» Rýmynııanyń basty telearnasynda
ASTANA. QazAqparat - Eýropa telearnasynda kórsetilgen derekti rejısserlik fılm Qazaq memlekettiligin qalyptastyrý tarıhy, Egemendi Qazaqstannyń qalyptasýynda Elbasynyń sheshýshi rólin, Astananyń belgili halyqaralyq, atap aıtqanda, «EKSPO-2017» kórmesin ótkizýi jáne ATOM jobasy bastamalary týraly baıandaıdy, dep habarlady QR SІM baspasóz qyzmeti.
Fılmdi TVR1 basty rýmyn telearnasynyń jýrnalısteri daıyndaǵan. Fılmniń rejısseri, rýmyn teledıdarynyń belgili qaıratkeri Dana Dıak úlken qyzyǵýshylyqpen jobany iske asyryp, elimiz ben halqymyzdyń ulaǵatty tarıhy men qazirgi kezdegi jetistikterine qaıran qalǵandyǵyn paıymdady.
Jobanyń túsirilýi aǵymdaǵy jyldyń qazan aıynda Astana, Almaty, Taraz, Túrkistan jáne Atyraý qalalarynda, Qazaqstannyń Rýmynııadaǵy Elshiliginiń, QR SІM Halyqaralyq aqparat komıtetiniń, qala ákimshilikteriniń, Qazaqstan týrıstik assotsıatsııasynyń qoldaýmen ótti.
Derekti fılmniń keń aýqymdy aýdıtorııaǵa kórsetilýi Uly Dala Eline rýmyn qoǵamynyń arta túsken qyzyǵýshylyǵynyń nyǵaıýyna baǵyttalǵan.
Fılmniń kórsetilýi rýmyndyq ulttyq qoǵamdyq teledıdarynyń birinshi TVR1 arnasynda, sondaı-aq bir mezgilde Rýmynııanyń barlyq aýmaǵy men óńirdegi bir top elderin qamtıtyn ulttyq medıa holdınginiń keń aýqymdy habar taratý júıesiniń basqa arnalarynda da ótti.
