Uly dala eli mádenıet pen órkenıettiń besigi bolǵan - depýtat
«Memleket basshysy Nursultan Nazarbaev «Uly dalanyń jeti qyry» atty maqalasynda «Qazaqstan - Uly dala órkenıetiniń zańdy murageri» degen oıdy alǵa tartyp otyr. Osyǵan oraı, elimizdiń tarıhyna jańadan sholý jasap, ony zerdelep, oǵan basqa qózqaraspen qaraý kerektigin kórip otyrmyz. Negizinde ulttyq tarıh - azamattardyń sanasyn qalyptastyratyn mańyzdy quraldyń biri jáne ol memlekettiń ustanyp otyrǵan saıasatyna úlken demeý bolmaq. Sondyqtan da, qaı eldiń bolmasyn aıbynyn asqaqtatatyn, urpaqqa mura bolyp qalatyn, ótkennen taǵylym alyp, keleshekti túsinýge jol ashatyn - osy tarıh», - dedi ol.
Májilis depýtatynyń atap ótýinshe, Elbasynyń «Uly dalanyń jeti qyry» maqalasy tarıhqa tereń úńilip, sol arqyly túp-tamyrymyzdy tanýǵa múmkindik beredi.
«Qazaqstan álem sahnasynda qurylǵan jas memleket bolǵanymen, onyń tól tarıhy sonaý ejelgi zamandaǵy kóne saqtardan, ǵundardan, baıyrǵy túrikterden bastaý alyp myńdaǵan jyldarǵa sozylady. Uly dala eli mádenıettiń jáne órkenıettiń besigi, adamzattyń damýyna úlken úles qosqan kóptegen tarıhı protsesterdiń shoǵyrlanǵan orny bolǵan. Ata-babalarymyz eń alǵash jylqyny quryqtap, atqa miný mádenıetiniń negizin qalaǵan. Osynyń arqasynda Eýrazııa qurlyǵynyń Shyǵysy men Batysyn, Soltústigi men Ońtústigin baılanystyryp, Jibek Jolynyń paıda bolýyna óz septigin tıgizgen», - dedi J.Dúısebaev.
Onyń paıymynsha, qazirgi kıim jáne etik úlgileriniń bazalyq komponentterin jáne metall óndirýdiń amal-tásilderin oılap tabý, bári de Uly dalany mekendegen kóshpendi halyqtyń enshisinde. Oǵan qosa, halqymyz ál-Farabı, ıAsaýı, Kúltegin, Beıbarys, Abaı syndy talaı tarıhı tulǵalardy dúnıege ákelgen tekti halyq ekenimizdi taǵy da bir dáleldep otyr.
«Endigi mindet - Uly dalanyń tarıhı joldaryn qoǵamǵa, ósip kele jatqan urpaqqa tereń túsindirip jetkizý. Osyǵan oraı, ótkenimiz ben keleshekti baılanystyrý arqyly halqymyzdyń tarıhı sanasyn jańǵyrtý maqsatyna, birlesken kúshpen jete alatynymyzǵa senim mol», - dedi halyq qalaýlysy.
