Uly dala dańqy murajaıyna halyqtyń qoldaýy qajet - «Uly dala qyrandary» qozǵalysy
ASTANA. 29 mamyr. QazAqparat - Búgin Bas redaktorlar klýby men «Uly dala qyrandary» qozǵalysy arasynda ózara yntymaqtastyq týraly memorandým rásimdeldi.
Úshjaqty qujatqa Bas redaktorlar klýbynyń basshysy Kenjebolat Joldybaı jáne «Uly dala qyrandary» qozǵalysynyń teń tóraǵalary - Marat Nábıev pen Sádibek Túgel qol qoıdy. «2017 jyly Astanada ótetin EKSPO kórmesine 5 mıllıonnan artyq adam keledi dep kútilýde. Sol kezde olar ulanǵaıyr dalamyzdyń tarıhyn tanyp bilýi tıis. Osyǵan oraı biz Uly dala dańqy murajaıyn ashýdy josparlap otyrmyz. Bul bastamaǵa búkil halyq bolyp kirisý kerek. Sondyqtan bizge Bas redaktorlar klýbynyń qoldaýy qajet. Bizdiń osy bir bastamamyzdy elge jetkizip, onyń der kezinde iske asýyn qamtamasyz etken jón», - deıdi kásipker M.Nábıev.
Aıta keteıik, Uly dala dańqy murajaıyn elordanyń irgesinde, Astana - Býrabaı avtobany boıymen ashylǵan Qulager eskertishi janynan salý josparlanyp otyr. Qazirgi kezde atalǵan joba boıynsha jer teliminiń qujattary rettelip jatyr.
