Ulýdyń ýynan aýrý sezdirmeıtin dári jasaýǵa bolady - ǵalymdar
ASTANA. QazAqparat - Ulýdyń ýy zamanaýı aýrý sezdirmeıtin dári-dármektiń negizine aınalýy múmkin. Sebebi, qazir ulýdyń ýyty bar dári synaqtan ótkizilip jatyr. Ǵalymdar onyń áseri gabapentın men morfınge qaraǵanda 100 ese kúshti dep otyr, dep habarlaıdy Rosbalt.
Jalpy, jyrtqysh ulýdyń ýy - konotoksın balyqtardy uzaq ýaqytqa qımylsyz qaldyrý maqsatynda qoldanylady. Sol konotoksındi ǵalymdar tájirıbelik dári-dármekterdi jasaýda paıdalandy. Kvınslend ýnıversıtetiniń qyzmetkeri Devıd Kreıktiń aıtýynsha, atalmysh preparat ázirge tyshqandarǵa qoldanylǵan kezde aýrýdy basqan.
Osy oraıda, maman teorııa júzinde ol dáriniń qıyn emdeletin arýlarmen aýyratyn adamdarǵa kóp kómegi tıetin edi dep otyr.
Aıta keterligi, tiri aǵzalardyń ýy júıke júıesiniń belgili bir torlaryn oqshaýlap tastaıdy. Sondyqtan da olardyń áseri morfın men gıdrokodon syndy aýrý sezdirmeıtin dárilerge qaraǵanda kúshtirek bolyp otyr.
Mamandar shamamen eki jyldan soń atalmysh dárini adamdarǵa berip, synaqtan ótkizýdi kózdep otyr.
