Ulý jyly qazaqstandyqtar úshin berekeli jyl bolady – astrolog
Shyǵys jylnamasyna sáıkes 2024 jyldyń ıesi – ulý. Ulý – danalyqtyń, kúsh pen órkendeýdiń sımvoly. Sonymen qatar, kúntizbe boıynsha – kibise jyl, ıaǵnı birqatar ózgeriske ákeletin kúshti, energııaǵa toly bolmaq. Bul týraly Kazinform tilshisine ýkraınalyq «Ekstrasenster saıysy» shoýy 15-maýsymynyń fınalısi, astrolog, psıhologııa ǵylymdarynyń doktory ıÝlııa Katsman aıtty.
Astrologtiń aıtýynsha, ulý jylynyń bir ereksheligi — ol barlyq ýaqytta kibise jyldarmen týra keledi. Tórt jylda bir ret qaıtalanyp keletin basy artyq bir kún 2024 jyldyń aqpan aıynyń úlesine tıedi. Osylaısha kelesi jyl 366 kúnnen turady.
Ulý sýda júretin bolǵandyqtan, bul jyly qurǵaqshylyq bolmaıdy. Jyl tynyshtyqpen, bereke-molshylyqpen ótedi.
«Aldaǵy jyl kúntizbe boıynsha — kibise jyl, ıaǵnı ol birqatar ózgeriske ákeletin erekshe kúshti, energııaǵa toly bolady. Eshqandaı kataklızmder kórip turǵanym joq. Ulý jyly qazaqstandyqtar úshin óte jaıly, berekeli jyl bolmaq», — deıdi ol.
Joramalshynyń sózinshe, 2024 jyl Qytaı kúntizbesi boıynsha jasyl aǵash aıdahar jyly bolady. Bul jyl shyǵarmashylyq, jańashyldyq jáne jańa bastamalar úshin qolaıly bolmaq.
«Qazaqstan úshin jyl tabysty, berekeli bolady. Kóptegen qazaqstandyq otbasynda, týǵan jerinde baqytqa keneledi. Kásipterin damytyp, mansabynda tabysqa jetedi. Ulý jyly óner adamdarynyń joly erekshe bolmaq. Aıdahar batyl jáne jigerli adamdardy jaqsy kóredi, bizdiń elde ondaı jandar óte kóp. Sondaı-aq 2024 jyly jomart, aqpeıil jáne keshirimdi bolǵan abzal», — deıdi astrolog.
Sondaı-aq ıÝlııa Katsman Jańa jyldy qandaı tústi kıimmen qarsy alý kerektigin aıtty.
«Qytaı kúntizbesi boıynsha, jasyl aǵash aıdahar 10 aqpanda kiredi. Oǵan laıyqty túster: jasyl tús — hakıden bastap zamartas túsine deıin. Sondaı-aq bulardy kúmis, altyn jáne qyzyl túspen úılestirýge bolady. As mázirine keler bolsaq, sáttilikke jol ashý úshin segiz mandarın nemese apelsındi tamaq salynǵan ydystyń aınalasyna qoıý kerek. Dastarhanda qylqan aǵashtyń japyraǵy men sý turýy qajet. Negizi, alýan túrli as ázirleýge bolady. Eshqandaı shekteý joq. Keler jyldyń ıesi, satqyndyq pen ótirikti unatpaıdy. Jańa jyldy barynsha kóterińki kóńil-kúımen qarsy alǵan durys», — deıdi psıhologııa ǵylymdarynyń doktory.
