Ulty ózbek Qyrǵyzstan azamattary Máskeýde sherýge shyqty
ASTANA. Maýsymnyń, 12-si. QazAqparat - Birneshe ondaǵan ózbekter Máskeýdiń úkimet úıi aldynda stıhııalyq mıtıngi ótkizdi, dep habarlaıdy Ýtro.rý agenttigi.
Bastapqyda Qyrǵyzstannyń azamaty bolyp tabylatyn 30-dan 50-ge deıingi aralyqtaǵy ózbekter Úlken Ordynkede ornalasqan óz respýblıkalarynyń Elshiliginiń aldyna jınalǵan. Osydan keıin olar Krasnopresnen jaǵalaýynda ornalasqa Aq úı aldyna kelgen. Adamdar ózderin tynysh ustap, eshqandaı uran aıtyp, jar salmaǵan. Mıtıngke qatysýshylardyń aıtýynsha, olar Aq úıge Reseı basshylyǵynan Qyrǵyzstandaǵy týǵan-týystarynyń taǵdyryna aralasýǵa ótinish bermek bolmaq.
Aıta keteıik, Oshtaǵy tártipsizdikter sebebinen mılıtsııanyń jeke quramy táýlik boıy qyzmet atqarý rejimine aýystyryldy. Degenmen, Qyrǵyzstan aýmaǵyndaǵy jappaı tártipsizdik saldarynan zardap shekkenderdiń sany arta túsýde.
Máselen, Bishkekte búgin túnde oryn alǵan jergilikti tártipsizdikter barysynda 27 adam zardap shekti, olardyń arasynda aýyr jaralanǵandar da bar. Zardap shekkenderdiń birqatary alkogoldi ishimdikpen mas kúıinde aýrýhanaǵa jetkizildi.
Sonymen qatar Densaýlyq saqtaý mınıstrliginiń resmı málimetterine sáıkes, Osh qalasynda qaza tapqandardyń sany 50 adamǵa jetip otyr. 663 jaraqat alǵan azamat medıtsınalyq kómekke júginse, 429 adam aýrýhanaǵa jatqyzylǵan.
