Ulttyń rýhanııatyn jańǵyrtýǵa ulttyq ıntellegentsııanyń jumyla kiriskeni durys - Esenǵalı Raýshanov
ALMATY. QazAqparat - Aqyn, Memlekettik syılyqtyń laýreaty, «Jazýshy» baspasynyń dırektory Esenǵalı Raýshanov Elbasynyń «Egemen Qazaqstan» gazetinde jarııalanǵan «Bolashaqqa baǵdar: rýhanı jańǵyrý» atty maqalasyn Muhtar Áýezovtiń 1961 jaryqqa shyǵyp, qazaq rýhanııatyna serpilis ákelgen maqalasyna teńedi, dep habarlaıdy QazAqprat tilshisi.
«1961 jyly Muhtar Áýezovtiń «Jyl kelgendeı jańalyqty sezemiz» atty maqalasy jaryqqa shyqty. Ol qazaq rýhanııatyna úlken serpilis ákelgen týyndy bolatyn. Prezıdentimiz Elbasy Nursultan Nazarbaevtyń keshegi maqalasy týra sondaı ulttyq rýhty jelpindirgen, ulttyq rýhty oıatqan, alǵa qadam bastyratyn el ómirindegi eleýli oqıǵa boldy dep esepteımin», - dedi aqyn Esenǵalı Raýshanov.
Sonymen qatar, ol Elbasy maqalasynda kóterilgen Qazaqstan Jazýshylar Odaǵy men Ulttyq ǵylym akademııasyna qatysty óz pikirin bildirdi.
«Qazaqstan Jazýshylar Odaǵy men Ulttyq ǵylym akademııasynyń jumysyn baıaǵyda jaqsartý kerek edi. Eki mekemeniń jumysy syn kótermeıdi. Prezıdent sony ańǵaryp otyr. Qalaı bolǵan jaǵdaıda da, ulttyń rýhanııatyn jańǵyrtýǵa ulttyq ıntellegentsııa jumyla kiriskenin biz durys kórer edik», - dedi Esenǵalı Raýshanov.
Aıta keteıik, búgin Almatyda zııaly qaýym ókilderi keshe, 12 sáýir kúni «Egemen Qazaqstan» respýblıkalyq gazetinde jarııalanǵan Elbasynyń «Bolashaqqa baǵdar: rýhanı jańǵyrý» atty maqalasyn taldaýǵa arnalǵan dóńgelek ústel basynda jınaldy
