Ulttyń baılyǵy – halyqtyń amandyǵy, eldiń tynyshtyǵy

NUR-SULTAN. QazAqparat - Búginde elimizde COVID-19 indetine shaldyqqan naýqastardy emdeý barysynda kún saıyn qaýipti indetpen betpe-bet kelip, óz qyzmettik mindetterin adal atqaryp júrgen medıtsına qyzmetkerlerine qaıyrymdylyq qoldaý kórsetýde Atyraý oblysyndaǵy Qazaqstan halqy Assambeıasy fılıalynyń músheleri men eriktileri birqatar qaıyrymdy is-sharalardy atqardy, dep habarlaıdy QazAqparat.

Atap aıtsaq, ıgilikti isti qolǵa alǵan atyraýlyq etnos ókilderi «Biz birgemiz» aktsııasy aıasynda Atyraý qalasyndaǵy «Sultan», «Іzmaǵanbetov», «Dáýren» jeke sharýashylyq ıelerimen birge covid-19 indetine shaldyqqandardy emdep jatqan №2 ınfektsııalyq aýrýhananyń 120 jáne Sary ózektegi ókpe aýrýlaryn emdeıtin aýrýhanada ashylǵan provızorlyq bólimniń 15 medıtsına qyzmetkerine 5 lıtr shubat, 40 lıtr sıyr jáne 5 lıtr eshkiniń sútin, 35 keli qııar jetkizdi.

Sondaı-aq, Atyraý oblysy QHA eriktilerimen birge ózge ult ókilderi birigip, atyraýlyqtarǵa «Atyraý dári-dármekteri» chatyn uıymdastyryp, arzan ári qajetti dári - dármekteri bar dárihanalar týraly nemese kómek alý nysandar jóninde kúndelikti aqparat berýde. Bunyń ózi qazirgi jaǵdaıda qoǵamdyq kóliktiń júrýine shekteý qoıylǵan kezde óte qajetti kómek.

Búginde bul chatqa 600-ge jýyq atyraýlyqtar qosylyp, sońǵy birneshe kúnde tirkelgenderdiń 40 paıyzy qajetti dárilerin tapqan.

Sonymen qatar, bul topta tegin dári-dármek taratyp júrgen eriktiler de bar. Olar kómekke muqtaj 27 otbasyǵa kómek berdi.

Dertten jazylǵan «Atyraý dári-dármekteri» chatynyń tirkelýshileri artyq qalǵan dárilerin chatta suraǵan azamattarǵa tegin taratýda, al keıbiri bir-birimen almastyrýda.

Elimizde boı alǵan indetpen kúresýde birneshe aıdan beri muqtaj jandarǵa bar kómegin aıamaı, qandaı qıyndyq bolsa da basy-qasynda júrgen Atyraý oblysy QHA «Jańǵyrý joly» jastar qozǵalysynyń belsendi músheleri men eriktiler toby búginde dárigerler qaýymyna kómek qolyn sozdy.

«Saraıshyq» asyl tuqymdy sharýashylyqtyń bas dırektory, Atyraý oblysy QHA «Jańǵyrý joly» jastar qozǵalysynyń tóraǵasy Tamılla Rozmetova bir top erikti jastarmen birge Atyraý oblystyq arýhanasynyń 150 medıtsına qyzmetkerine 20 lıtr eshki sútin jáne eshki sútiniń ónimderinen jasalǵan árqaısysy 30-ǵa jýyq danadan aıran, irimshik, súzbe, ıogýrt ónimderin tabyc etti.

Atyraý oblysy QHA Qoǵamdyq kelisim keńesiniń tóraǵasy Nurjan Ermuqanov Atyraý «Raýan» qoǵamdyq qorymen birlese qaladaǵy oblystyq, ınvektsııalyq, ókpe aýrýlaryn emdeıtin aýrýhanalarǵa jáne oblysymyzdaǵy 7 aýdannyń aýrýhanasyna 17mln qarjyǵa quny 170 myń teńge turatyn ottegi kontsentrat apparatynyń 100 danasyn tabystady.

Mundaı qaıyrymdy ári ıgilikti ister Atyraý óńirinde áli de jalǵasyn tabady.