Ulttyń banktiń burynǵy basshylary ekonomıkanyń qazirgi kezeńine qatysty oılaryn aıtty

«Astana» qarjy ortalyǵynyń tóraǵasy Qaırat Kelimbetovtiń aıtýynsha, qazir tek munaı baǵasy men Qytaı, Reseı ekonomıkasynyń quldyraýyna qarap ómir súrýge bolmaıdy.

«Qazir álem basqa deńgeıde ómir súrip jatyr. Qazaqstan bıznes modelin ózgertý kerek. Álemdegi ózgeriske qaraı ózgere bilý bıznestiń basty jetistigi bolý kerek. Qazaqstanda bolashaqqa senimmen qaraýǵa múmkindik beretin fýndamentaldy makrekonomıkalyq faktorlar jetkilikti. Ulttyq qordy qalyptastyrýdyń ózi kóregendiktiń belgisi. Kóptegen elderge qaraǵanda bul qaýipsizdik jastyǵy bolyp otyr. Biraq áli de syrtqy túıtkilderge jaýap beretin júıe jasaý kerek. «Nurly Jol» baǵdarlamasy, taǵy basqa baǵdarlamalar Qazaqstan ekonomıkasyna ınvestıtsııa tartý arqyly ekonomıkalyq ósimdi saqtaýǵa kómektesedi. Bir jerde turmaı, álemdik ózgeristerge beıimdele bilý mańyzdy», - dedi Q.Kelimbetov.

Ánýar Sáıdenov bolsa, qazirgiden synaǵy kóp kezeńi áli alda kele jatqanyn jetkizdi. Onyń aıtýynsha daǵdarys kóp jaǵdaıda damýǵa múmkindik beredi.

«Tek valıýta baǵamnyń ózgerisine qaramaý kerek. Ekonomıkanyń damýyna áser etetin basqa faktorlar óte kóp», - dedi Á.Sáıdenov.

Ulttyq banktiń eks tóraǵasy Qadyrjan Damıtovtyń aıtýynsha, ekonomıkalyq ónimdilikti arttyrý úshin valıýta baǵamynan bólek úzdik korporatıvtik basqarý tehnologııasy eskerý kerektigin jetkizdi.

«Eger, valıýtalyq quramyn alyp tastaǵannyń ózinde kásiporynnyń damý qarqyny qandaı, soǵan mán berý kerek. Qazaqstan DSU, EAEO aıasynda jumys jasap jatyr muny da eskerý kerek», - dedi Q.Damıtov.

Oraz Jandosov el ekonomıkasynyń munaı baǵasyna táýeldiligin azaıtyp, Ulttyq qordaǵy qarjyny bilikti kadr daıyndaýǵa jumsaý kerektigin aıtty.

Onyń oıynsha, mundaı qadamdar álemdik makroekonomıkalyq syn-qaterlerge qarsy turýǵa septigin tıgizbek.