Ulttyń ál-aýqatynyń jaqsarýy Nursultan Nazarbaev esimimen baılanysty - Ksave Bettel

NUR-SULTAN. QazAqparat - Nursultan Nazarbaev Lıýksembýrg Premer-mınıstri Ksave Bettelmen telefon arqyly sóılesti, dep habarlaıdy elbasy.kz.

Áńgime barysynda Ksave Bettel Elbasyn kele jatqan 80 jyldyq mereıtoıymen quttyqtap, myqty densaýlyq pen dostas Qazaqstan halqynyń ıgiligi úshin jańa tabystar tiledi.

Lıýksembýrg Premer-mınıstri Qazaqstannyń edáýir ilgerileýi, ulttyń ál-aýqatynyń jaqsarýy, halyqaralyq qoǵamdastyqtyń belsendi jáne jaýapty músheleri arasynan laıyqty oryn alýy Nursultan Nazarbaevtyń esimimen baılanysty ekenin atap ótti.

Elbasy Ksave Bettelge quttyqtaýy úshin alǵysyn bildirip, Qazaqstan Respýblıkasy men Eýropalyq Odaq arasyndaǵy Keńeıtilgen seriktestik pen yntymaqtastyq týraly kelisimdi Eýropalyq Odaqqa múshe memleketter arasynda Lıýksembýrg alǵashqylardyń biri bolyp ratıfıkatsııalaǵanyn atap ótti.

Telefon arqyly sóılesýge Lıýksembýrg tarapy bastamashy boldy.