Ulttyq jobalarǵa naqty maqsat pen derbes jaýapkershilik qaǵıdalary engizilýde – Evnıev
Bul týraly Ulttyq jobalardy iske asyrý monıtorıngi keńsesiniń jetekshisi Arman Evnıev málim etti, dep habarlaıdy QazAqparat tilshisi.
«Jobalyq basqarýdyń tórt negizgi qaǵıdatyn aıtar bolsam, birinshiden, naqty maqsatty jobalaý. ıAǵnı eger biz jańashyldyq engizip, bir nárseni ózgertkimiz kelse, aldymen basyn ashyp alýymyz kerek. Smart degen qaǵıda bar, ol degenimiz shynaıy, qoljetimdi, mańyzdy, ólshemdi jáne ýaqyty shekteýli bolýy tıis. Jalpy túrde bolmaý kerek, bul birinshi talap. Ekinshiden, derbes jaýapkershilik. Munda sol jobanyń iske asýyna tikeleı kim jaýapty sony anyqtap alýymyz kerek. Joba iske aspaı qaldy ma, oǵan oryndaýshy emes jobany bekitip, jeke qolyn qoıǵan adam jaýap berýi tıis», - dedi A. Evnıev QR Sybaılas jemqorlyqqa qarsy is-qımyl agenttiginiń «AntikorLive» jobasynyń tikeleı efırinde.
Onyń aıtýynsha, búginde ulttyq jobalar men memlekettik baǵdarlamalardyń iske asýyna naqty jeke tulǵany tikeleı jaýapty etetin tıisti qujat qabyldandy.
«Qazaqstandaǵy ulttyq jobalar men memlekettik baǵdarlamalardyń oryndalýyna naqty jeke tulǵalar emes túrli vedomstvolar jaýapty, bulaı durys emes. Naqtylyq bolý kerek. Memleket basshysynyń bastamasyna sáıkes ázirlenip jatqan ulttyq jobalarda «Derbes jaýapkershilik» degen bólim bar, demek ol jerde jaýapty tulǵanyń aty-jóni kórsetiledi. Úshinshiden, jumys yrǵaǵy. Bulaı deıtinim, túrli saladaǵy aldyńǵy qatarly kompanııalardyń tájirıbesine sáıkes, jobalardyń iske asýy onyń naqty josparlanýymen tyǵyz baılanysty. Derbes jaýapty tulǵamen qosa, ol jobany júzege asyrýshylardy oryndalmaǵan jaǵdaıda ne kútiletini týraly aldyn ala habardar etýimiz kerek. Jáne sońǵy qaǵıda áriptestik pen yntymaqtastyq. Bul jerde «osy jerde jáne qazir» qaǵıdasyn ustanǵan jón. Aıtpaǵym, sala boıynsha ozyq tájirıbeli jáne aldyńǵy qatarly kompanııalarmen yntymaqtastyqta jumys isteı bilý», - deıdi ol.