Ulttyq jobalardyń nátıjesine jetkizbegender jaýapqa tartylady

NUR-SULTAN. QazAqparat – Ulttyq jobalarǵa qatysty qarajatty ıgermegeni úshin jaýapkershiligi nátıjege qol jetkizbegeni retindegi jaýapkershilikke aýystyrylmaq. Bul týraly Senatta bıýdjet máselesin talqylaý kezinde QR Ulttyq ekonomıka vıtse-mınıstri Azamat Ámrın aıtty, dep habarlaıdy QazAqparat tilshisi.

Sapaly nátıjeni qamtamasyz etý qadamdaryna toqtalǵan vıtse-mınıstr: «Bıýdjet qarajatyn ıgermegeni úshin jaýapkershilikti alyp tastap, ony nátıjelerge qol jetkizbegeni úshin degen jaýapkershilikke aýystyrý usynylady. Bizde ulttyq jobalar ındıkatorlarǵa baılanǵan, ár ındıkatorǵa jaýapty laýazym ıesi bekitilgen», - dedi.

Osy oraıda ol ındıkatorǵa qol jetkizilmese, bul jaǵdaıda jaýapkershilikke tartý máselesi qozǵalady.

«Sondyqtan ulttyq jobalar bóliginde qarajatty ıgermegeni úshin bul jaýapkershilikti nátıjege qol jetkizbegeni jaýapkershiligine aýystyrý usynylyp otyr», - dedi A. Ámrın.

Budan buryn habarlanǵandaı, bıýdjettik baǵdarlamalar ákimshilerine ulttyq jobalar boıynsha paıdalanylmaǵan qarajatty kelesi jyly tolyq paıdalaný quqyǵyn berý usynylyp otyr.