Ulttyq joba: ShQO-da taý-ken metallýrgııa salasynda akademııalyq ústemdik ortalyǵy qurylady
D.Serikbaev atyndaǵy Shyǵys Qazaqstan memlekettik tehnıkalyq ýnıversıtetiniń rektory Jasulan Shaımardanov bul jańashyldyqtyń salaǵa qandaı serpin beretini týraly oıyn bildirdi.
«Bilim berýdi damytýdyń 2025 jylǵa deıingi tujyrymdamasyn júzege asyrý úshin D.Serikbaev atyndaǵy ShQMTÝ bazasynda Taý-ken metallýrgııa salasynda akademııalyq ústemdik ortalyǵyn qurý josparlanǵan. Ondaǵy maqsat – ýnıversıtet qyzmetin Shyǵys Qazaqstanda taý-ken metallýrgııa salasyn damytý baǵdarlamasymen ıntegratsııalaý. Taý-ken metallýrgııasy dástúrge baı sektor bola otyryp, álemdegi ekonomıkalardyń mamandanýyna yqpal etetin salalardyń birine aınaldy. Mundaǵy jahandyq básekelestiktiń qarqyny barynsha ekologııalyq óndiris jaǵyna bet buryp, jabdyqtar men tehnologııalyq protsesterdi eleýli ózgeristerge ushyratty», - deıdi ýnıversıtet rektory.
Onyń aıtýynsha, taý-ken metallýrgııa salasyn damytyp otyrǵan jańa trendter jańa quzyretterdi qajettilikti týyndatyp, kadr daıarlaý isine múldem tyń mindetter júktep otyr. Demek, bul baǵytta maman daıarlaıtyn ýnıversıtetter kadrlardy tehnologııa kóshinen 4-5 jyl alda júrýi kerek.
«ShQMTÝ-da ınjenerlik bilim berýdiń ózindik modeli engizilip jatyr. Ol joba «Indýstrııa 4.0» standarty boıynsha maman daıarlaıtyn úzdik álemdik mektepterdiń benchmarkıngi retinde iske asýda. Ýnıversıtet qabyrǵasynda jańa bilim berý ortasy qalyptasyp kele jatyr deýge bolady. Túrli baǵyt boıynsha 14 quzyrettilik jáne transfert ortalyǵy jumys istep tur. Ýnıversıtette mamandardy kásiporyndardyń tapsyrysy boıynsha daıarlaý, onyń ishinde «ÚMZ» AQ tapsyrysy boıynsha atom ónerkásibi úshin kadrlardy daıarlaýdyń tabysty tájirıbesi birneshe jyldan beri tabysty júrgizilip keledi» - dedi Jasulan Shaımardanov.
Sóz arasnyda rektor básekege qabilettilikti arttyrý úshin JOO qandaı sharalar qabyldaıtynyn aıtty.
«Bizdiń oqý ornymyz 2022-2030 jyldarǵa arnalǵan strategııalyq damý baǵdarlamasyn ázirledi. Maqsatymyz – ýnıversıtettiń ortalyq jáne Ońtústik-Shyǵys Azııa boıynsha tehnologııalyq kóshbasshylyq pen ústemdikke qol jetkizý», - deıdi ǵalym.
Onyń aıtýyna qaraǵanda, bul iste boı túzeıtin benchmarkıng retinde Massachýsets tehnologııalyq ýnıversıteti, Kolorado taý mektebi, Lıýblın tehnıkalyq ýnıversıteti, ITMO ýnıversıteti, reseılik «MIFI» ulttyq zertteý ıadrolyq ýnıversıteti tańdap alynǵan.
«Biz kommertsııaǵa beıim zııatkerlik áleýetti, jańa tehnologııalardy, tehnologııalyq kompanııalardy quratyn ǵylymı-ınnovatsııalyq qyzmet modelin ázirleýge jáne engizýge nıettenip otyrmyz. Sondaı-aq, bilim alýshylarǵa joǵary sapaly, praktıkaǵa baǵyttalǵan bilim berýge, olardy tabysty mansapqa jeteleıtin bilik pen daǵdylarmen qarýlandyrýǵa, ónerkásip pen jalpy qoǵam múddesine baǵyttalǵan baǵdarlamalar men ǵylymı zertteýler arqyly halyqaralyq deńgeıde tanylýǵa kúsh salamyz», - dedi Jasulan Shaımardanov.
Maman qazirgi tańda joǵary oqý oryndaryna bilim berý baǵdarlamalaryn halyqaralyq standarttarǵa beıimdeý barynsha qajet ekenin aıtady.
«Biz ınjenerlik kadrlardy daıarlaýdyń CDIO tujyrymdamasyna negizdelgen modelin ázirlep, engizdik. Sonyń arqasynda bizdiń bilim berý baǵdarlamalarymyzdyń sapasy artyp, sheteldik áriptesterimiz baǵalaı bastady. Ýnıversıtettiń bilim berý baǵdarlamalarynyń 86%-y mamandandyrylǵan ulttyq jáne halyqaralyq akkredıtteýden ótti. Alty birdeı bilim berý baǵdarlamasynyń Eýropalyq sapa sertıfıkaty (EUR-ACE) bar. Osy baǵdarlamalar boıynsha bilim alǵan stýdentterdiń dıplomy Eýropalyq Odaq aýmaǵynda jaramdy. «Atameken» UKP túzgen reıtıngte bizdiń ýnıversıtet úzdik ıntegraldyq nátıjelerdi kórsetip otyr», - dedi D.Serikbaev atyndaǵy ShQMTÝ rektory.
