Ulttyq joba – qoǵamdy mazalaǵan máselege memlekettiń tikeleı jaýaby – sarapshy
NUR-SULTAN. QazAqparat – Ulttyq jobalar halyqtyń ál-aýqatyn odan ári jaqsartýǵa baǵyttalǵan. Bul týraly QR Prezıdenti janyndaǵy Qazaqstan strategııalyq zertteýler ınstıtýtynyń jetekshi ǵylymı qyzmetkeri Ermek Toqtarov aıtty, dep habarlaıdy QazAqparat tilshisi.
«Memlekettik baǵdarlama formatynan ulttyq jobaǵa aýysý ózekti máselelerdi sheshý tásilindegi oń ózgeris. Bizdegi memlekettik baǵdarlamalar uzaqmerzimdi jáne olar ákimshilik sıpatta. ıAǵnı 10 jyldyq baǵdarlama márege jetse, jańadan taǵy 10-20 jylǵa arnalǵan baǵdarlama paıda bolady. Osy oraıda Ulttyq jobanyń ereksheligi men artyqshylyǵy ol – qysqamerzimdi. ıAǵnı qysqamerzimdi ulttyq jobanyń nátıjesine baǵa bermeı turyp, ony uzartý nemese qaıta jandandyrýdyń qajeti bolmaıdy», - dedi Ermek Toqtarov.
Sondaı-aq, sarapshy Ulttyq jobalarda jurtshylyqty jıi tolǵandyratyn barlyq sala qamtylǵanyn aıtty.
«Elimizde qolǵa alynyp jatqan barlyq 10 Ulttyq joba halyqtyń ál-aýqatyn odan ári jaqsartýǵa baǵyttalǵan jáne onda adam úshin mańyzdy barlyq sala qamtylǵan. Atap aıtqanda, densaýlyq saqtaý, bilim berý, ekologııa, qaýipsizdik, sapaly ómir, memlekettik qyzmet jáne taǵy basqa. Ulttyq joba – qoǵamdy mazalaǵan másele men saýalǵa memlekettiń tikeleı jaýaby. Ulttyq jobalardy qabyldaý – memlekettik josparlaý júıesindegi jańashyldyq. Ony júzege asyrý úshin ulttyq jobalyq jáne tsıfrlyq keńseler quryldy», - dedi ol agenttik tilshisine.
Eske salaıyq, Memleket basshysy Qasym-Jomart Toqaev ótken jylǵy Qazaqstan halqyna Joldaýynda memlekettik baǵdarlamalardan ulttyq jobalarǵa kóshý týraly tapsyrma bergen edi.
13 qazan kúni QR Prezıdenti Ulttyq jobalar tizbesin bekitý týraly Jarlyqqa qol qoıdy.
Premer-Mınıstr Asqar Mamın Ulttyq jobalardyń ne úshin ázirlengenin aıtyp berdi.
