Ulttyq valıýtany paıdalanýǵa yntalandyrý protsesin bastaý kerek - UB
«Bizdiń kóz aldymyzda birneshe jyldar buryn jetistik bolyp sanalǵan prıntsıpterden qazir kóptegen elder bas tartyp jatyr. Qazirgi tańda geosaıası jaǵdaı ýshyǵyp keledi. Saýda protektsıonızmi kúsheıip, kapıtaldar aǵyp ketip jatyr. Sonyń yqpalynan álemdik naryqtardyń qubylmalylyǵy artyp, syrtqy saýda qatysýshylarynyń táýekelderi kóbeıip keledi», - dedi Danııar Aqyshev.
Onyń aıtýynsha, ulttyq valıýtalardyń halyqaralyq naryqta esep quraly retinde paıdalanylýy úshin ulttyq valıýtadaǵy damyǵan qundy qaǵazdar, naryqta sheteldik ınvestorlar bolýy qajet.
«Ulttyq valıýtalardy paıdalanýǵa yntalandyrý protsesin bastaý kerek. Biraq syrtqy saýda naryǵynyń qatysýshylary úshin valıýtalardyń turaqty, ótimdi, senimdi qarjylyq naryqta bolǵany mańyzdy. Bul valıýtalyq qaterlerden saqtandyrady», - dedi Ulttyq bank basshysy.
