Ulttyq valıýta dınamıkasyna basqa qandaı faktorlar áser etkeni anyqtaldy
Basqarma tóraǵasy orynbasarynyń aıtýynsha, apta Moderna kompanııasynyń vaktsına týraly jaǵymdy jańalyqtarynan bastaldy. Kompanııanyń málimdeýinshe, zertteý nátıjelerin bastapqy taldaý kezinde COVID-19-dan qorǵaýǵa arnalǵan eksperımenttik vaktsınanyń tıimdiligi 94,5%-dy qurady.
Koronavırýspen kúresý quraldarynyń tıimdiligi týraly jańalyqtar táýekeldi aktıvter men munaı baǵasynyń ósýine yqpal etti. Brent munaıynyń baǵasyn belgileý bir barrel úshin 44,67 dollarǵa deıin ósti.
Azııa elderi boıynsha kómirsýtekter baǵalaryna jaqsy ekonomıkalyq statıstıka qosymsha yqpal etti. Qytaı boıynsha – ónerkásip óndirisiniń 6,9% deńgeıinde ósýi (kútilip otyrǵan 6,7%-ǵa qaraǵanda) jáne Japonııa ІJÓ-niń úshinshi toqsanda 5% deńgeıinde ósýi oryn aldy (boljamdy 4,4%-ǵa qaraǵanda).
Dúısenbide jahandyq qor naryqtary ósýmen jabyldy. Máselen, saýda kúniniń qorytyndysy boıynsha Dow Jones ındeksi 1,6%-ǵa, S&P 500 1,2%-ǵa, Nasdaq Composite 0,8%-ǵa ósti. Japondyq Nikkei 225 ındeksi dúısenbiniń qorytyndysy boıynsha 2,1%-ǵa ósip, 29 jyl ishindegi eń joǵarǵy kórsetkishti jańartty.
«Bizdiń valıýta úshin bul sózsiz jaǵymdy belgi: apta basynan beri teńge shamamen 0,45%-ǵa nyǵaıdy. Qysqa merzimdi perspektıvada syrtqy naryqtardaǵy jaǵymdy jańalyqtardyń jıyntyǵy salyq aptasymen birge teńgeniń nyǵaıýyna áser etedi. Biraq basqa da syrtqy jáne ishki faktorlardy eskerý qajet. Syrtqy faktorlar, bul, eń aldymen, vaktsınany jappaı qoldaný merzimderi boıynsha belgisizdik jáne OPEK+ elderiniń aldaǵy kezdesýiniń nátıjeleri. Іshki faktorlar – tólem balansy tarapynan teńgege jasalyp jatqan qysym, ol bıylǵy naýryzdan bastap baıqalyp otyrǵan munaı baǵasynyń tómen kezeńimen baılanysty», - dedi ol.