Ulttyq ulannyń jaýyngerleri Jańaózendegi nóserdiń saldaryn joıýǵa kómektesýde

NUR-SULTAN. QazAqparat - Jańaózende Ulttyq ulannyń «Batys»óńirliq qolbasshylyǵy 5548 áskerı bóliminiń áskerı qyzmetshileri kóshelerdi, turǵyn úılerdi, aýla alańdaryn jáne mektepterdi sý basý saldarynan bolǵan qatty jaýyn-shashynnyń saldaryn joıýǵa kómek kórsetýde, dep habarlaıdy QazAqparat.

Vedomstvonyń baspasóz qyzmetiniń málimetinshe, arnaıy qyzmetter uıymdardyń kommýnaldyq qyzmetteriniń arnaıy tehnıkalary men sý aıdaý qurylǵylaryn tarta otyryp, jańbyr sýlaryn sorý jumystaryn júrgizýde.

«Topan sý saldaryn joıýǵa qatysý úshin áskerı bólim komandıriniń tehnıka jáne qarý-jaraq jónindegi orynbasary maıor Berikbol Taqyrovtyń basshylyǵymen 60 áskerı qyzmetshi jáne 3 birlik tehnıka kómekke tartyldy. Qutqarý jumystary barysynda ulańdyqtar sý basýdyń aldyn alý úshin úılerdiń aınalasyna qum salynǵan qaptar saldy, sondaı-aq jol kóshelerin nyǵaıtý jumystary júrgizildi», - delingen habarlamada.

Eske sala keteıik, 6-7 mamyrda Jańaózende 88 úıdi, 43 aýla aýmaǵyn, 27 kósheni, úsh mekteptiń, balabaqshanyń jertólelerin sý basty. Sondaı–aq, jeke sektordyń 200 abonenti elektrmen jabdyqtaýdy toqtatty. Jańaózen ákimdigi janynan shtab quryldy.

Qaraqııa aýdanynda jańbyr sýy 7 úıge jáne 4 aýlaǵa zııan keltirdi. Mańǵystaý aýdanynda 2 turǵyn úı men 4 aýla aýmaǵy zardap shekti, jaýyn-shashynnyń saldary joıyldy