Ulttyq ulannyń mártebesin aıqyndaıtyn zań qabyldandy
ASTANA. QazAqparat - Búgin Parlament Senatynyń jalpy otyrysynda «Qazaqstan Respýblıkasynyń Ulttyq ulany týraly» Zańy ekinshi oqylymda qabyldandy.
Qujat Memleket basshysynyń «Qazaqstan Respýblıkasyndaǵy memlekettik basqarý júıesin odan ári jetildirý sharalary týraly» 2014 jylǵy 21 sáýirdegi Jarlyǵyn oryndaýǵa baǵyttalǵan. Al ol Jarlyqqa sáıkes, QR Ishki ister mınıstrliginiń ishki áskerleri ishki ister organdarynyń biryńǵaı júıesine kiretin QR Ulttyq ulany bolyp qaıta qurylǵan bolatyn.
Tutastaı alǵanda, zańnyń maqsaty Ulttyq ulannyń qyzmeti salasyndaǵy qoǵamdyq qatynastardy retteý bolyp tabylady. Sonymen birge qujat Ulttyq ulannyń mártebesin, qyzmettik quqyqtyq negizderin, onyń mindetteri men ókildikterin aıqyndaıdy. QR Ulttyq ulanynda áskerı qyzmet ótkerý jáne eńbek qatynastary aıqyndalady. Ulttyq ulannyń áskerı qyzmetshileriniń, otbasylarynyń áleýmettik kepildikteri naqtylanady.
Parlament qabyldaǵan zań Memleket basshysynyń qol qoıýyna joldanady.
