Ulttyq ulannyń mártebesin aıqyndaıtyn qujat maquldandy - Májilis
ASTANA. QazAqparat - Búgin Parlament Májilisiniń jalpy otyrysynda «Qazaqstan Respýblıkasynyń Ulttyq ulany týraly» zań jobasy ekinshi oqylymda maquldandy.
Eske sala keteıik, Memleket basshysynyń «Qazaqstan Respýblıkasyndaǵy memlekettik basqarý júıesin odan ári jetildirý sharalary týraly» 2014 jylǵy 21 sáýirdegi Jarlyǵyna sáıkes, QR Ishki ister mınıstrliginiń ishki áskerleri ishki ister organdarynyń biryńǵaı júıesine kiretin QR Ulttyq ulany bolyp qaıta qurylǵan bolatyn.
Tutastaı alǵanda, zań jobasynyń maqsaty Ulttyq ulannyń qyzmeti salasyndaǵy qoǵamdyq qatynastardy retteý bolyp tabylady. Sonymen birge, qujatta Ulttyq ulannyń mártebesin, qyzmettik quqyqtyq negizderin, onyń mindetteri men ókildikterin aıqyndaıdy. QR Ulttyq ulanynda áskerı qyzmet ótkerý jáne eńbek qatynastary aıqyndalady. Ulttyq ulannyń áskerı qyzmetshileriniń, otbasylarynyń áleýmettik kepildikteri naqtylanady.
Májilis maquldaǵan zań jobasy Parlament Sennatyna joldanady.
