Ulttyq ulannyń kópbalaly 100 otbasy bıyl baspanaly bolady
Shara aıasynda BAQ ókilderine suhbat bergen Ulttyq ulan bas qolbasshysynyń orynbasary, general-maıor Muhametqalı Satov ulttyqulandyq qyz-kelinshekterge qandaı kómek kórsetilip jatqanyn aıtyp berdi.
«Ulttyq ulanda 2 myńnan asa qyz-kelinshek qyzmet etedi. Onyń 1500-i kelisimshart ofıtserleri bolsa, 500-i azamattyq qyzmetshi bolyp jumys isteıdi. Olar qoǵamdyq, ulttyq qaýipsizdikti saqtaý jolynda bizben birge bir sapta turady. Ulttyq ulanda kópbalaly analar da kóp. Jalpy 526 kópbalaly otbasy bar. Kópbalaly otbasylardyń úsh júzin pátermen qamtamasyz ettik», - dedi ol.
Onyń aıtýynsha, Ulttyq ulan qyzmetkerlerine páter jaldaý úshin arnaıy bıýdjetten qarajat bólinedi. Búginde bul qarajat «Turǵynúıqurylysjınaqbankinde» ár qyzmetkerdiń atyna ashylǵan esepshotqa aýdarylady.
«Turǵynúıqurylysjınaqbanki arqyly qalǵan 226 kópbalaly otbasyn pátermen qamtamasyz etpek oıymyzda bar. Bıyl 100-den astam otbasyn baspanaly bolady», - dedi general-maıor.
Merekelik shara barysynda 3 áskerı qyzmetshi áıel QR Іshki ister mınıstri Erlan Turǵymbaevtyń buryǵymen «Qoǵamdyq tártipti saqtaǵany úshin» medalimen marapattaldy. QR Ulttyq ulany Bas qolbasshysynyń atynan qyzmettik marapat pen qurmet te kórsetilip baǵaly syılyqtar tabys etildi. «Ulan arýy-2019» fotobaıqaýynyń qorytyndysy jarııalanyp, arnaıy júldeler tabystaldy.
Resmı marapattaý rásimi aıaqtalǵannan keıin Ulttyq ulannyń án men bı ansambli daıyndaǵan merekelik kontsert bolyp, ulandyq sardarlar áriptes qyz-kelinshekterge án aıtyp, ózderi jazǵan óleńderin oqydy.
