Ulttyq ulannyń 85 jaýyngeri Áskerı ant qabyldady (FOTO)
Іshki áskerdiń jaýyngerlik jolyn jalǵaýshy Ulttyq ulan elimizdiń ishki tártibi men qoǵamdyq qaýipsizdigi jolynda ózine júktelgen mindetterdi abyroımen atqaryp keledi.
Osy jyldyń jazynda azamattyq boryshyn óteýge kelgen jas sarbazdar Otan qorǵaýshylarmen teń dárejede sapqa turý úshin bir aıdan asa ýaqyt arnaıy daıyndyq kýrsynan ótti. Búgin Almaty jáne Jambyl oblystarynan shaqyrylǵan 85 jaýynger Qazaqstan halqyna adal bolýǵa, onyń zańdaryn men ulttyq qundylyqtaryn qasterlep-saqtaýǵa ant berdi.
Saltanatty sharaǵa Ulttyq ulan Bas qolbasshylyǵynyń, ózara is-qımyl jasaıtyn organdardyń, «Nur Otan» partııasy janyndaǵy «Jas Otan» jastar qanatynyń ókilderi, ardagerler men sarbazdardyń ata-ana, týǵan-týystary qatysty, dep habarlaıdy Ulttyq ulannyń baspasóz qyzmetinen.
Sarbazdar sap túzegen alańǵa Jaýyngerlik Tý kirgizilip, Memlekettik Ánuran oryndaldy. Áskerı bólim komandıri polkovnık Marat Árinov jas shaqyrylymdy quttyqtap, komandırlik sózin arnady: «Qurmetti jaýyngerler! Áskerimizdiń batyrlary, Otan úshin janqııarlyq áreket tanytqan - Erbol Otarbaev, Jandos Baıanbaev, Halyq qaharmany Qaırat Úmbetov, keshe ǵana Aqtóbedegi qandy oqıǵada jan qıǵan Danıel Maılybaev, Dosbol Sapardyń erligi eshqashan umytylmaıdy. Sizder de elge abyroımen qyzmet etýge sert berip otyrsyzdar. Osy jolda qajymas qajyr-qaırat, beıbit aspan tileımin», - dedi ol.
Úlken ómirge qadam basqan Otan qorǵaýshylardy «Nur Otan» partııasy janyndaǵy «Jas Otan» jastar qanaty Astana fılıaly keńesiniń múshesi Bıdáýlet Bımanov, ardagerler keńesi tóraǵasynyń orynbasary zapastaǵy praporşık Vıacheslav Byrsan, qatardaǵy jaýynger Shildebaevtyń anasy Jambyl Ótebaeva, jas sarbaz Bákirdiń ákesi Zákir Ibragımov te quttyqtady.
Ulttyq ulan Bas qolbasshysy general-leıtenant Rýslan Jaqsylyqovtyń atynan tárbıe jáne áleýmettik-quqyqtyq jumystar bas basqarmasynyń bastyǵy polkovnık Saverdın Imırov ata-analardy uldarynyń sapqa turýymen quttyqtady.
«Biz, turaqtylyq pen órkenıetti kóksegen Uly dala elimiz. Men óz Otanyn qorǵaýdy, Qazaqstan halqyn qorǵaýdy, óz januıasyn qorǵaýdy perzentterine senip tapsyrǵan ata-analarǵa alǵys aıtqym keledi. Baqytymyzǵa oraı, tynyshtyq pen kelisim, birlik ornaǵan beıbit elde ómir súrýdemiz. Alaıda, memleket ishine iritki salýdy kózdegen qosalqy kúshter barda qaýip te joq emes. Sondyqtan, Ulttyq ulan birtutas jaýyngerlik kúsh retinde elimizdiń tynyshtyǵyn kúzetýi tıis. Otan qorǵaýshy atyna kir keltirmeı, azamattyq boryshtaryńyzdy abyroımen, asqan jaýapkershilikpen óteýlerińizge tilektespin!» - dedi bas basqarma basshysy.
Ant qabyldaý rásimi aıaqtalǵan soń, ata-analar sarbazdardyń jatyn ornymen, áskerdiń tynys-tirshiligimen tanysyp, uldarymen júzdesip, seıildeýge múmkindik aldy.
Osy kúni Ulttyq ulanǵa qarasty 6636 áskerı bóliminiń de 270-ke jýyq jaýyngeri Áskerı ant qabyldap, jeke quram sanyn tolyqtyrdy.
FOTO:© 2016 «QazAqparat» HAA
