Ulttyq ulannyń 18-ge tolǵan sarbazdary referendýmda daýys berdi

ORAL. QazAqparat – Oralda Ulttyq ulannyń áskerı qyzmetshileri túgeldeı daýys berdi, dep habarlaıdy QazAqparat tilshisi.

QR Ulttyq ulany «Batys» óńirlik qolbasshylyǵynyń baspasóz qyzmetinen málim etkenindeı, 5517-áskerı bólimindegi №479 referendým ýchaskesinde jeke quram tańǵy saǵat 06.00-den bastap daýys berdi.

«Batys» óńirlik qolbasshysynyń tárbıe jáne áleýmettik-quqyqtyq jumystar boıynsha orynbasary Baqyt Alazovtyń aıtýynsha, áskerı bólimderde ashylǵan referendým ýchaskelerinde daýys berýshilerdiń belsendiligi óte joǵary bolǵan. Áskerı qyzmetshilerdiń jeke quramy ǵana emes, olardyń otbasy da saıası naýqanǵa túgel qatysqan.

Referendýmǵa qatysýshylardyń basym bóligi – 18-ge endi tolǵan, tuńǵysh ret daýys berý quqyǵyna ıe bolǵan jas sarbazdar. Áskerı bólimde respýblıkanyń ár óńirinen kelgen 20-dan asa ult ókilderi qyzmet atqarady.

Aqtaý, Aqtóbe, Atyraý, Oral jáne Jańaózen qalalarynda ornalasqan «Batys» óńirlik qolbasshylyǵyna qarasty áskerı qyzmetshiler de daýys berýge belsendi qatysýda.

Eske sala keteıik, budan buryn batysqazaqstandyq ǵalymnyń halyqtyń emin-erkin óz tańdaýyn jasap jatqany týraly aıtqanyn jazǵan bolatynbyz.