Ulttyq ulandyqtar qoıan-qoltyq urystan ózara myqtyny anyqtady
ASTANA. QazAqparat - Óskemende qoıan-qoltyq urystan Ulttyq ulan «Shyǵys» óńirlik qolbasshylyǵynyń birinshiligi ótti. Jarysta ofıtserler, kelisimshart negizindegi áskerı qyzmetkerler jáne sarbazdar, barlyǵy 41 qatysýshy 9 túrli salmaqta ózara myqtyny anyqtady, dep habarlaıdy «QazAqparat» HAA tilshisi.
«Shyǵys» óńirlik qolbasshylyǵy baspasóz qyzmetiniń bastyǵy Baǵdat Amangeldi habarlaǵandaı, jarystyń qonaǵy retinde ShQO dene shynyqtyrý jáne sport basqarmasynyń basshysy Asqar Mojanov, AIBA uıymynyń halyqaralyq dárejedegi tóreshisi Qýat Qudaıbergenov, QR Regbı federatsııasynyń prezıdenti Murat Uranbaev, bokstan QR eńbek sińirgen jattyqtyrýshy Qaırat Sátjanov qatysty. Saıystyń ashylý saltanatynda Qýat Qudaıbergenov Ulttyq ulandyqtarǵa Halyqaralyq boks qaýymdastyǵy (AIBA) atynan estelik retinde arnaıy kýbok tabys etti.
Jarys qorytyndysy boıynsha anyqtalǵan jeńimpazdar:
55 kg salmaqta óńirlik qolbasshylyqqa qarasty Semeıdegi 5511 áskerı bóliminiń qatardaǵy jaýyngeri K.Sholpanbaev;
60 kg salmaqta qatardaǵy jaýynger E.Arynǵazınov, 65 kg salmaqta Pavlodardaǵy 5512 áskerı bóliminiń efreıtory R.Mahmýtov;
70 kg salmaqta Óskemendegi 5518 áskerı bóliminiń kishi leıtenanty A.Baıǵojın;
75 kg salmaqta aǵa leıtenant O.Janádilov;
80 kg salmaqta Semeıdegi 5511 áskerı bóliminiń aǵa leıtenanty R.Ámirǵazın;
85 kg salmaqta óńirlik qolbasshylyqqa qarasty Óskemendegi 5518 áskerı bóliminiń kishi serjanty F.Ahmedjanov;
90 kg salmaqta Kýrchatov qalasyndaǵy 3514 áskerı bóliminiń qatardaǵy jaýyngeri K.Nurmuhashev;
90 keliden astam salmaqta Pavlodar qalasyndaǵy 5512 áskerı bóliminiń serjanty A.Bekenov.
Atalǵan júldegerler aqpan aıynyń 15-18 aralyǵynda Shymkent qalasynda ótetin Qazaqstan Respýblıkasy Ulttyq ulanynyń áskerı birinshiligine qatysýǵa múmkindik aldy.
