Ulttyq ulanda regbıden respýblıkalyq týrnır ótti
ASTANA. QazAqparat - Almaty oblysynda Qazaqstan Respýblıkasy Ulttyq ulanynyń 25 jyldyq merekesine oraılastyrylyp regbıden respýblıkalyq jarys ótti, dep habarlaıdy Ulttyq ulannyń baspasóz qyzmeti.
Atalǵan dúbirli dodany uıymdastyrýǵa Qazaqstan Respýblıkasy Ulttyq ulany Bas qolbasshylyǵy uıytqy boldy. Jarysqa 6 komanda jáne barlyǵy júzge jýyq sportshy qatysty. Aıtsaq, olar - Ulttyq ulannyń Almaty qalasyndaǵy «Ońtústik», Oraldaǵy «Batys», Qaraǵandydaǵy «Ortalyq», Óskemendegi «Shyǵys» óńirlik qolbasshylyqtarynyń, Petropavldaǵy Áskerı ınstıtýtynyń jáne Astanadaǵy 5573 áskerı bóliminiń qurama komandalary qatysty.
«Regbı» oıyny Olımpıada oıyndarynyń quramyna kirip, kúlli álemde úlken bedelge ıe bolyp tur.
Dodanyń ashylý rásimine kúsh-qýat organdarynyń jetekshileri aýdandyq máslıhat depýtattary, sondaı-aq respýblıkalyq sport uıymdarynyń jáne buqaralyq aqparat quraldarynyń ókilderi qatysty.
Jarystyń qorytyndysy boıynsha «Ońtústik» óńirlik qolbasshylyǵy komandasy bas júldeni ıelenip, Ulttyq ulan Bas qolbasshynynyń jeńimpaz kýbogyn ıelendi. Al ekinshi oryn «Batys» óńirlik qolbasshylyǵyna buıyrsa, qola júldeni elordalyq 5573 áskerı bóliminiń regbı komandasy ıelendi.
Oıynnyń úzdik oıynshysy bolyp, 28237 áskerı bóliminiń sportshysy serjant Dýlat Sálimbaev tanyldy.
Jeńimpazdar baǵaly syılyqtarmen marapattalyp, sonymen qatar 28237 áskerı bóliminiń dene shynyqtyrý jáne sport qyzmetiniń bastyǵy maıor Tólegen Abdrahımovqa jáne oıyn sýdıasy Baǵdat Moldahmetke Ulttyq ulan Bas qolbasshy atynan alǵys jarııalandy.
