Ulttyq ulanda Májilis depýtattary patrıottyq tərbıeni nyǵaıtý məselesin talqylady
ASTANA. QazAqparat - Búgin Ulttyq ulannyń Bas qolbasshylyǵynda Parlament Májilisi Halyqaralyq ister, qorǵanys jáne qaýipsizdik komıtetiniń 2015 jyly qabyldanǵan «Qazaqstan Respýblıkasynyń Ulttyq ulany týraly» Qazaqstan Respýblıkasynyń zańyn júzege asyrý məselesi, sonymen qatar «Məńgilik el» - patrıottyq aktisin iske asyrý sheńberinde patrıottyq tərbıeni nyǵaıtý məselesi boıynsha kóshpeli otyrysy ótti.
Ulttyq ulan baspasóz qyzmetiniń habarlaýynsha, tómengi palata depýttary aldynda Bas qolbasshy general-leıtenant Rýslan Jaqylyqov Ulttyq ulan qyzmetiniń negizgi baǵyttary, jańa zańǵa sáıkes atqaratyn mindetteri boıynsha sóz qozǵady. Áskerı vedomstvo basshysy, sondaı-aq quqyqtyq tártip áskeriniń tabıǵı, tehnogendik jáne áleýmettik sıpattaǵy tótenshe jaǵdaılar men olardyń saldaryn joıýǵa, Ulttyq qaýipsizdik komıtetiniń Shekara qyzmetine Memlekettik shekarany kúzetýde járdem kórsetýge tikeleı qatysatynyn jetkizdi. Otyrys barysynda halyq qalaýlylary «QR Ulttyq ulany» týraly jańa Zańnyń oryndalý máselelerin, sonymen qatar patrıottyq tárbıeni nyǵaıtý qyzmetiniń basty baǵyttaryn talqylady.
Basqosýda «Armııa generaly Saǵadat Nurmaǵambetov» mereıli medalimen Ulttyq ulan Bas qolbasshy general-leıtenant Rýslan Jaqylyqov jáne onyń orynbasary general-maıor Albert Matkarımov marapattaldy. Ulttyq ulan avıatsııasynyń bas ınjeneri polkovnık Sergeı Kýlbıtskııge «Avıatsııa generaly Talǵat Begeldınov» mereıli medali tabys etildi.
Halyqaralyq ister, qorǵanys jáne qaýipsizdik komıtetiniń tóraǵasy Máýlen Áshimbaev otyrysty qorytyndaı kele, «Máńgilik el» patrıottyq aktinde kórinis tapqan ıdeıalar Táýelsiz Qazaqstannyń turaqtylyǵy men memlekettiligin nyǵaıtýǵa yqpalyn tıgizetinin atap ótti.
Sapardyń arnaıy bólimi aıaqtalǵan soń, depýtattar áskerdiń qarý-jaraq jáne tehnıka kórmesin tamashalady.
