Ulttyq ulan jaýyngerleri Jańaózende joǵalǵan úsh jasar balany tapty
AQTAÝ. QazAqparat – Ulttyq ulan jaýyngerleri Jańaózende joǵalǵan úsh jasar balany tapty, dep habarlaıdy QazAqparat tilshisi.
«Batys» óńirlik qolbasshylyǵynyń baspasóz qyzmetinen túsken málimetke qaraǵanda, keshkisin jedel basqarý ortalyǵyna balanyń joǵalǵany jóninde habar kelgen.
Anasy 4-shaǵynaýdanda balamen birge serýendep júrip, kóz jazyp qalǵan. Týysqandary ózdikterinen taba almaǵannan keıin polıtsııaǵa júgingen.
Jarty saǵattan keıin quramynda qatardaǵy jaýyngerler Baýyrjan Sábıtov, Іlııas Mahambet jáne Baǵdat Beıbithan bar top 4-shaǵynaýdandaǵy «Aqbóken» dúkeni mańynan jylap otyrǵan balany baıqady. Ulttyq ulan jaýyngerleri ony tynyshtandyryp, jaqyn mańdaǵy polıtsııa tirek pýnktine jetkizdi.
Balanyń ata-anasy qyraǵylyǵy úshin Ulttyq ulan jaýyngerlerine alǵysyn bildirdi. Atalǵan jaýyngerler 5548-áskerı bólim komandırimen yntalandyryldy.
Bul Jańaózendegi birinshi jaǵdaı emes. Budan buryn, ótken jyldyń 23 jeltoqsany kúni Ulttyq ulan jaýyngerleri joǵalǵan jasy ulǵaıǵan er adam men tórt jasar balany tabýǵa kómektesken edi. 28 aqpan jáne 6 sáýir kúnderi eki qyz bala tabyldy. 2 mamyrda Aqtaýda áskerı qyzmetkerler ákesine adasyp ketken qyzyn tabýyna járdem berdi. 5 mamyrda Jańaózende 6 jasar Altynbek pen 5 jasar Daıana ata-anasyna tabystaldy.
