Ulttyq ulan jaýyngerleri Jańaózende joǵalǵan tórt jasar balany tapty
NUR-SULTAN. QazAqparat - Ulttyq ulan jaýyngerleri Jańózende joǵalǵan tórt jasar balany tapty, dep habarlaıdy QazAqparat tilshisi.
«Batys» óńirlik qolbasshylyǵynyń baspasóz qyzmetinen túsken málimetke qaraǵanda, oqıǵa 9 mamyr kúni bolǵan.
Balanyń ata-anasy Jańaózen qalasy polıtsııa bóliminiń jedel basqarý ortalyǵyna óz úıiniń aýlasynda oınap júrgen baldyrǵannyń saǵat 21.00 shamasynda joǵalyp ketkenin habarlaǵan.
Tórt jasar balanyń túr-sıpaty barlyq jaýyngerlik toptarǵa ratsııa arqyly berilip, ony izdeýge jeke quram tegisteı jumyldyryldy.
Arada 40 mınýt ótkende, quramynda leıtenant Jasulan Qasteev, qatardaǵy jaýyngerler Nurdáýlet Tilektesov pen Baǵdat Táýekel bar top «Jańaózen» saýda kesheni ortalyǵy janynda jylap otyrǵan balany tabady. Bala óziniń esimi Madııar ekenin, adasyp ketkenin aıtqan.
Ulttyq ulan jaýyngerleriniń qyraǵylyǵy arqasynda bala tez arada aman-esen tabylyp, ata-anasynyń qolyna tabystaldy.
Bul oqıǵa jóninde Madııardyń ákesi Salamat Narynovtyń bólim komandıriniń atyna alǵys aıtyp, jazǵan hatynan keıin belgili boldy.
Atalǵan jaýyngerler 5548-áskerı bólim komandırimen yntalandyryldy.
Eske sala keteıik, budan buryn 5 mamyr kúni Ulttyq ulan jaýyngerleri joǵalǵan 6 jasar Altynbek pen bes jasar Daıanany tapqanyn jazǵan bolatynbyz.
