Ulttyq ulan jaýyngerleri Jańaózende joǵalǵan 3 jasar balany tapty
QR Ulttyq ulany «Batys» óńirlik qolbasshylyǵy baspasóz qyzmetiniń jetekshisi, podpolkovnık Erbolat Sultanovtyń aıtýynsha, oqıǵa 8 qazan kúni keshkisin saǵat 21.00 shamasynda boldy.
Quramynda qatardaǵy jaýyngerler Madııar Myńbosynov, Aıbek Shaldynbek jáne Muhtar Sársenbaev bar top 6-shaǵynaýdanda jylap otyrǵan balany tapty. Ol adasyp ketip, úıine qalaı qaıtaryn bilmeı otyr eken.
Balany tynyshtandyrǵan M.Myńbosynov kezekshi top bastyǵy, leıtenant Ádil Qasenǵalıǵa dereý habarlap, sosyn ata-anasyn izdestirýdi jedel uıymdastyrdy.
Arada 20 mınýt ótkennen keıin bala anasynyń qolyna tabys etildi.
Úsh jasar er balanyń anasy Albına Ǵaınýtdınova 5548-áskerı bólim komandırine hat jazyp, ulyn tez taýyp bergen Ulttyq ulan jaýyngerlerine alǵysyn bildirdi.
Qyraǵylyq kórsetkeni úshin atalǵan sarbazdar bólim komandırimen yntalandyryldy.
Bul – birinshi oqıǵa emes. Budan buryn Ulttyq ulan jaýyngerleri 27 tamyzda joǵalǵan 4 jasar balany tapqan bolatyn.